გიორგი გიგაშვილი მარტა არგერიხთან ერთად დაუკრავს. ქართველი მუსიკოსი ლეგენდარულ პიანისტთან ერთად ევროპის ერთ-ერთ ყველაზე ცნობილ საკონცერტო დარბაზში Laeiszhalle-ში 27 ივნისს წარდგება. კონცერტი თავად მარტა არგერიხის ფესტივალის ფარგლებში შედგება, რომელიც 20-დან 30 ივნისამდე ჰამბურგში გაიმართება. ქართველი პიანისტი ლისტის მეფისტო-ვალსს S 514 და სკრიაბინის ვალსს As-Dur op. 38 შეასრულებს.
2019 წელს გიორგი გიგაშვილს ვიგოს საერთაშორისო საფორტეპიანო ფესტივალის ჟიურიმ, მარტა არგერიხის თავმჯდომარეობით, პირველი პრემია გადასცა. 2021 წელს კი ქართველი პიანისტი მარტა არგერიხის სტიპენდიატი გახდა.
