ერთ-ერთი დიდი პრობლემა, რომლის წინაშეც ამერიკა დგას, უსახლკარობაა. ბიონსე და კელი როულენდი კი მათ მშობლიურ ქალაქში, ჰიუსტონში ამ პრობლემის დასამარცხებლად გაერთიანდნენ.
სამშაბათს მუნიციპალიტეტმა გამოაცხადა, რომ ჰიუსტონის ადგილობრივ მოსახლეობასთან თანამშრომლობით 31 მუდმივი საცხოვრებელი აშენდება: „ასეთ ინიციატივებს ყოველთვის მხარს დავუჭერთ, იმის მიუხედავად, თუ ვინ დგას მის უკან, მაგრამ ამ შემთხვევაში ეს განსაკუთრებით საინტერესოა… რადგან ესენი არიან ბიონსე და კელი როულენდი, რომლებიც, რა თქმა უნდა, ძალიან დიდი ხანია მხარს უჭერენ ჩვენს საზოგადოებას,” – აღნიშნული იყო განცხადებაში.
გარდა საცხოვრებლისა, პროექტი, რომელსაც Knowles-Rowland House ჰქვია, სხვადასხვა მხარდამჭერ სერვისს ითვალისწინებს, როგორიცაა ტრანსპორტი, ფსიქიკური ჯანმრთელობა, ფიზიკური და ქცევითი ჯანმრთელობის მხარდაჭერა. პროექტის დაწყება სექტემბერში იგეგმება, როცა ბიონსე მშობლიურ ქალაქში მსოფლიო ტურნედან დაბრუნდება.
ბიონსე თავის ქალაქს მუდმივად ეხმარება. 2017 წელს ქარიშხალი ჰარვის შემდეგ მომღერალი იქ Destiny’s Child-ის წევრ მიშელ უილიამსთან და დედასთან ტინა ნოულზთან ერთად ჩავიდა, რომ დაზარალებულებს საკვებით დახმარებოდა. იქამდე 10 წლის წინ კი როულენდმა და ბიონსემ ერთად დააფუძნეს საქველმოქმედო ფონდი ქარიშხალ კატრინათი დაზარალებულთათვის.
