პოლონეთის დედაქალაქ ვარშავაში გამართულ კონცერტზე ჰარი სტაილსმა სამი უკრაინელი ლტოლვილი მიიწვია. 13 წლის დარიამ, დედამისმა მარიამ და მათი ოჯახის მეგობარმა დარია კატინამ უკრაინა გასულ წელს დატოვეს, მას შემდეგ რაც რუსეთი ქვეყანაში შეიჭრა და ომი წამოიწყო. ვარშავას სტაილსი Love on Tour-ის ფარგლებში ეწვია. არტისტი ჰუმანიტარული ორგანიზაცია „გადარჩენის საერთაშორისო კომიტეტის“ (IRC) ინიციატივას შეუერთდა და უკრაინის მოქალაქეები კონცერტზე სწორედ ამ თანამშრომლობის ფარგლებში მიიწვია.
მარიამ ჰარი სტაილსს და ორგანიზაცია IRC-ს მადლობა საჯაროდ გადაუხადა და აღნიშნა, რომ ეს იყო მომენტი, რამაც შესაძლებლობა მიეცათ დროებით მწუხარება დაევიწყებინათ. IRC-მა მომღერალს ბილეთების გაღებისა და ორგანიზაციის საქმიანობის მხარდაჭერისათვის მადლობა გადაუხადა.
შოუს მსვლელობისას გადაღებულ ვიდეოში კონცერტზე მიწვეული უკრაინელები ჩანან, რომლებიც ვარსკვლავის პერფორმანსს სცენასთან ახლოს მდებარე ზონიდან აკვირდებიან.
Რაც შეეხება ჰარი სტაილსის საკონცერტო ტურნეს, ვარშავას შემდეგ ვარსკვლავმა შოუ 8 ივლისს ვენაში გამართა, 22 ივლისს კი არტისტი იტალიაში მდებარე ქალაქ რეჯიო-ემილიას ეწვევა.
ნახეთ ორგანიზაცია IRC-ის მიერ გამოქვეყნებული ვიდეო:
