ფილმ Wonka-ს რეჟისორის, პოლ კინგის თქმით, ტიმოთი შალამეს ფილმისთვის სინჯები არ გაუვლია. როლზე დასამტკიცებლად მხოლოდ მსახიობის სკოლის დროინდელი მუსიკალური ვიდეოები აღმოჩნდა საკმარისი.
„ეს პირდაპირი შეთავაზება იყო, რადგან იგი ერთადერთი ადამიანი იყო ჩემს გონებაში, რომელსაც ამის გაკეთება შეეძლო,” – უთხრა კინგმა Rolling Stones-ს. Warner Bros როლზე ბევრ კანდიდატს მოიაზრებდა, დაწყებული დოლანდ გლოვერით, დასრულებული რაიან გოსლინგითა და ეზრა მილერით. კინგი კი მხოლოდ შალამეთი იყო დაინტერესებული. თუმცა უნდა დარწმუნებულიყო, რომ მსახიობს სიმღერა და ცეკვაც შეეძლო.
„მისი სკოლის დროინდელი მუსიკალური ვიდეოები Youtube-ზე დევს და ასიათასობით ნახვა აქვს. ასე რომ, ვნახე, რომ მას სიმღერაც და ცეკვაც კარგად შეეძლო. როცა მას ვესაუბრე, დიდი შემართებით დამხვდა და მითხრა: „მინდა, ხალხს ვანახო, რომ ამის გაკეთება შემიძლია.”
Wonka – კინოთეატრებში 15 დეკემბერს გამოვა. რამდენიმე დღის წინ გავრცელდა მისი ოფიციალური ტრეილერი და კადრები, სადაც ტიმოთი შალამე ასახიერებს პერსონაჟს, რომელიც პირველად ჯინ უაილდერმა 1971 წელს ითამაშა.
„1971 წლის ფილმი, იმის გამო, რომ ასეთი ხნიერი ვარ, ბავშვობიდან მახსოვს. ყოველთვის მიყვარდა მისი სიმღერები. ასე რომ, ამას დიდი ფიქრი და ძალისხმევა არ დასჭირვებია, რომ ჩემს ფილმშიც ბევრი სიმღერა უნდა ყოფილიყო,” – აღნიშნა კინგმა. თუმცა, როგორც აღმოჩნდა, რეჟისორს მსგავსი რამ აქამდე არასდროს გაუკეთებია. „ფილმებში ყოველთვის მქონდა მუსიკა, მაგრამ ის, რომ მუსიკალური რიგი გამეკეთებინა, ეს ახალი გამოწვევა იყო. და რადგანაც მოქმედება გვიან 40-იან წლებში ხდება, ეს ჩემთვის პატივის მიგება იყო MGM-ის მიუზიკლების ოქროს ხანისთვის.”
კინგის თქმით, Wonka-ს მელ სტიუარტის მიერ გადაღებული ფილმის Wilder Willy Wonka & the Chocolate Factory-ს კომპანიონად მიიჩნევს, რომელიც თავის მხრივ დაფუძნებულია როალდ დალის 1964 წლის ნოველაზე Charlie and the Chocolate Factory.
ნახეთ Wonka-ს ტრეილერი
