Pink Floyd-ის ცნობილი ალბომის, Dark Side of the Moon-ის ორმოცდაათი წლისთავის იუბილესთან დაკავშირებით Pink Floyd-ის ანიმაციურ კონკურსში რატი დაბრუნდაშვილიმა და ნასტასია ნიკიტინამ პირველ ადგილი და საპრიზო ფულადი ჯილდო £100 000 მიიღეს.
კონკურსის ფარგლებში ჯამში ათი საუკეთესო ანიმაციის ავტორი გამოვლინდა, პირველი სამეული კი ასე გამოიყურება: მესამე ადგილზე მონიკა ფიბის მიერ Eclipse-თვის შექმნილი ანიმაცია გავიდა (£25 000). მეორე ადგილი Time-თვის შექმნილი ანიმაციისთვის დეივიდ ჰორნმა მიიღო (£50 000), ხოლო პირველ ადგილზე Brain Damage-ისთვის შექმნილი ანიმაციისთვის, რატი დაბრუნდაშვილი და ნასტასია ნიკიტინა დასახელდნენ (£100 000).
„ნასტასიამ და მე პირველი ადგილი ავიღეთ Pink Floyd-ის ანიმაციის კონკურსში, ჯერ კიდევ შოკში ვართ…“ – წერს რატი დაბრუნდაშვილი სოციალურ ქსელში.
არტისტებმა ანიმაცია Pink Floyd-ის ერთ-ერთი დამაარსებელ და სიმღერების ავტორ მუსიკოსს, სიდ ბარეტის ხსოვნას მიუძღვნეს.
„Pink Floyd-ის მუსიკამ წარუშლელი კვალი დატოვა ჩვენს ცნობიერებაში. ნოტებმა, რომლებიც ბავშვობაში გვესმოდა, ადგილი ჩვენს არაცნობიერშიც დაიმკვიდრა. მათი მუსიკა ჩვენი არსებობის ჰიმნად იქცა. რთულ პერიოდში, როდესაც იმედიც კი ბუნდოვნად ჩანდა, Pink Floyd-ის მუსიკა მუდმივად ნუგეშის მომცემი იყო.“ – წერს რატი დაბრუნდაშვილი ვიდეოს აღწერაში.
ნახეთ Pink Floyd-ის ანიმაციის კონკურსში გამარჯვებული ვიდეო:
