6 აგვისტოს სემ სმიტმა სიმღერა I’m Not the Only One-ის ოფიციალური მუსიკალური კლიპი გამოუშვა. სიმღერა სმიტის 2016 წელს გამოცემული სინგლია, რომლის ახლებური ვერსიაც არტისტმა ალიშა კისთან ერთად ჩაწერა. კლიპის ნაწილი კისის სტუდიაში (Jungle City Studios) ცოცხალი სესიის დროსაა გადაღებული.
ვიდეოში ასევე ასახულია სემ სმიტის საიუბილეო წვეულების, In The Lonely Hour-ის კადრები, სადაც მან და ალიშა კისმა სიმღერის დუეტი საჯაროდ პირველად შეასრულეს.
სემ სმიტის თქმით, მისთვის დიდი პატივია ალიშა კისთან სინგლის ახალ ვერსიაზე მუშაობა. „იგი წარმოუდგენლად ნიჭიერი და მშვენიერი სულის პატრონია”, – ამბობს სმიტი ალიშა კისიზე, ალიშა კი ამატებს რომ ეს თანამშრომლობა ორივეს ძალიან დიდი ხნის სურვილი იყო.
სინგლის ახალი ვერსია სემ სმიტის სადებიუტო ალბომის, In the Lonely Hour-ის მეათე საიუბილეო გამოცემას უკავშირდება. ახალ თანამშრომლობასთან ერთად ახალ საიუბილეო CD-ში სემ სმიტის ჰიტ-სიმღერის, Stay With Me-ს ახლებური ვერსიაც შევა. კრებულში ბევრი საინტერესო სიახლე იქნება, მათ შორის კოლაბორაციები ისეთ არტისტებთან, როგორებიც არიან: Mary J. Blige, A$AP Rocky და John Legend.
