Grand Theft Auto VI-ის გამოსვლამდე რამდენიმე დღით ადრე მის თაყვანისმცემლებს შესაძლებლობა მიეცათ, პირველად გაცნობოდნენ დიდი ხნის ნანატრი ვიდეოთამაშის ვარსკვლავებით დაკომპლექტებულ საუნდტრეკს.
ბოლო დღეებში სოციალურ ქსელებში Grand Theft Auto VI: The Album-ის ვინილი გავრცელდა, რომლის მეშვეობითაც ალბომის სრული, 34-სიმღერიანი სია გამჟღავნდა. აღნიშნული სია „ბილბორდს” პროექტთან დაკავშირებულმა წყაროებმა დაუდასტურეს.
ალბომში სხვადასხვა მუსიკალური ჟანრის არტისტები არიან თავმოყრილი, მათ შორისაა: Playboi Carti, დუა პილა, კარდი ბი, ლანა დელ რეი, Gunna, Yung Lean, Future, Metro Boomin, ტრევის სკოტი, Fred again.., PinkPantheress, მორგან უოლენი, Tame Impala, Fuerza Regida და სხვები. რამდენიმე სიმღერა უკვე ხელმისაწვდომია სტრიმინგ პლატფორმებზე.
Atlantic Records-ისა და Rockstar Games-ის მიერ სექტემბერში დაანონსებული Grand Theft Auto VI: The Album 19 ნოემბერს გამოვა – იმავე დღეს, როდესაც თამაში PlayStation 5-ისა და Xbox Series X|S-ის კონსოლებზე გაეშვება.
ალბომის მუსიკა თამაშის გამოგონილი ლოკაციების – Vice City-სა და Leonida-ს ენერგიისა და ატმოსფეროს გადმოსაცემად შეიქმნა. ამასთან, პროექტი აგრძელებს Grand Theft Auto-ს ფრენჩაიზის მრავალწლიან ტრადიციას, რომლის ფარგლებშიც მოთამაშეები ახალ მუსიკასა და მუსიკალურ სუბკულტურებს ეცნობიან.
Grand Theft Auto VI: The Album-ის შეძენა შესაძლებელი იქნება სხვადასხვა პლატფორმაზე, ასევე დამოუკიდებელ მუსიკალურ მაღაზიებში. თითოეული საცალო ქსელი ვინილის საკუთარ, ექსკლუზიურ ვერსიას გამოუშვებს, განსხვავებული დიზაინითა და პოსტერით.
საუნდტრეკის გარდა, თამაშში წარმოდგენილი იქნება რამდენიმე რადიოსადგურიც, რომელთა წამყვანები და კურატორები ცნობილი არტისტები იქნებიან, მათ შორის Bad Bunny, ლანა დელ რეი, მორგან უოლენი და სხვები.
გარდა ამისა, Grand Theft Auto VI-ის გამოსვლას 21 ნოემბერს მაიამიში მუსიკალური ფესტივალიც მიეძღვნება. ღონისძიება, სახელწოდებით Grand Theft Auto VI: The Festival, კარდი ბის, ტრევის სკოტის, რაუ ალეხანდროსა და სხვა არტისტების გამოსვლებს უმასპინძლებს. ფესტივალზე ასევე დაგეგმილია Cactus Jack-ის სპეციალური მუსიკალური სეტი, რომელშიც ტრევის სკოტთან ერთად დონ ტოლივერი და SoFaygo მიიღებენ მონაწილეობას. ღონისძიებას სპეციალური სტუმრის სტატუსით შეუერთდება Kodak Black.
Grand Theft Auto VI: The Album-ის სიმღერების სრული სია:
- Starting From Zero – Justice feat. მაიკლ მაკდონალდი
- That’s It – Yung Lean feat. Future & Metro Boomin
- Ahh Yea – Playboi Carti
- RHYNO – ტრევის სკოტი
- Sexy Magic – CA7RIEL & Paco Amoroso, PinkPantheress, Fred again.. & Étienne de Crécy
- Flower in a Hurricane – Justice feat. Tame Impala, SZA & King Gizzard & the Lizard Wizard
- Go Easy – დუა ლიპა
- Last Thing You Need – მორგან უოლენი
- X – Jhayco
- Suzuki – Fuerza Regida
- Macacoa 2000 – რაუ ალეხანდრო
- Dance With Me – A Boogie Wit Da Hoodie feat. Elkan
- Bigger – Burna Boy
- Count Up – Gunna
- Let’s Rock – Kodak Black & Don Toliver
- Wakin Up Flex – Young Thug
- IKYFL – Tee Grizzley
- TF? – დონ ტოლივერი
- Don’t Chart – კარდი ბი
- GMA – JT
- Power Trip – ჯენი
- Blood in Your Eyes – Tove Lo
- Fast Emotion – ზარა ლარსონი
- Sweet Like Candy – კამილა კაბეიო
- Only One – Fcukers
- Sandunguea – Arca
- TRDWFE – Rina Sawayama
- All Again – როუზ გრეი
- Crazy for You — ლანა დელ რეი
- Largate – Kali Uchis & Helado Negro
- No Me Busques – Omar Apollo
- Bright Lights, Big City – კით რიჩარდსი
- Stone Kold Krazy Luuv – ჯეს ჯონსონი & Dâm-Funk
- Overtown Lights – სტენლი კლარკი, იუსეფ დეიესი & რობერტ გლასპერი