გრეისი აბრამსი ტეილორ სვიფტის მიერ ცეცხლმაქრის გამოყენების სასაცილო ვიდეოს აქვეყნებს

„ახლა უკვე ვიცით, როგორ უნდა გამოვიყენოთ ცეცხლმაქრი.”
ტეილორ სვიფტი
Octavio Jones/TAS23/GI for for TAS Rights Management


21 ივნისს გრეისი აბრამსის მეორე სტუდიური ალბომი The Secret of Us გამოვიდა, რომლის მეხუთე კომპოზიციაც, სახელწოდებით Us, ტეილორ სვიფტთან დუეტია.

ალბომის გამოსვლასთან ერთად აბრამსმა ინსტაგრამზე მისი და სვიფტის ორი ვიდეოსგან შემდგარი პოსტი გამოაქვეყნა. პირველი ვიდეო მუსიკოსების სიმღერაზე მუშაობის პროცესს ასახავს. „ერთ-ერთი ყველაზე სახალისო საღამო, რაც კი ცხოვრებაში მქონია,” – წერს აბრამსი. მეორე ვიდეოში კი ტეილორ სვიფტი სახლში გაჩენილი პატარა ხანძრის ცეცხლმაქრით ჩაქრობას ცდილობს. „ახლა უკვე ვიცით, როგორ გამოვიყენოთ ცეცხლმაქრი. მიყვარხარ”.

მანამდე აბრამსმა „ბილბორდთან” საუბარში აღნიშნა, რომ მუშაობის დროს მათ სანთლის ჩამოვარდნის ხმა გაიგეს, მაგრამ ტეილორს ეგონა, რომ ეს მისი ერთ-ერთი კატა იყო, რომელიც ხმაურობდა. შემდეგ კი ცეცხლი სვიფტმა ცეცხლმაქრით ჩააქრო.

„ის მართლაც ლეგენდაა,” – ამბობდა აბრამსი. „წარმოდგენა არ მაქვს, იმ დროს და იმ მდგომარეობაში, რომელშიც ჩვენ ვიყავით, საიდან იცოდა, თუ რა უნდა ექნა.” 

„ცეცხლმაქრის კვამლის გამო კი ორივეს რამდენიმე კვირა გვახველებდა,” – დაამატა მან.

ალბომში The Secret of Us შედის უკვე გამოცემული სიმღერები Risk და Close to You, რომელიც Billboard Hot 100-ის 49-ე ადგილზე გავიდა. გრეისი აბრამსის დებიუტი 2023 წლის თებერვალში შედგა ალბომით Good Riddance, რომელმაც Billboard 200-ის 52-ე ადგილი დაიკავა.

Share
Tweet
Share
Share
Share

წინა სტატია

Tbilisi Open Air 2024 გაიხსნა 

შემდეგი სტატია

ჯასტინ ტიმბერლეიკმა დაკავების შემდეგ დუმილი დაარღვია

შეიძლება დაგაინტერესოთ

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი

პირველი აპრილის ვიდეოში Cardi B-მ სახეზე დამატენიანებელი კრემის ნაცვლად Raising Cane-ის სოუსი წაისვა

ვარსკვლავმა სოციალური ქსელების მომხმარებლებს თავისი კანის სილამაზის „საიდუმლო გაუმხილა”.
მეტი

უნიკალური ტენდენციები, რომლებიც იაპონიის მუსიკალური დაჯილდოებისა და ბილბორდ იაპონიის ჩარტის შედარებამ გამოკვეთა

ნახეთ მსგავსებები და განსხვავებები წლის სიმღერის კატეგორიაში განსახილველ 256 სიმღერასა და ბილბორდ იაპონიის Hot 100-ს შორის.
მეტი