K-pop კვარტეტმა BLACKPINK-მა, რომლის წევრებიც არიან ROSÉ, JISOO, LISA და JENNIE, 5 თებერვალს ინსტაგრამზე საინტერესო ვიზუალის პოსტერი გააზიარა. პოსტერზე ხუთი სიმღერის სათაური თანმიმდევრულად არის ჩამოთვლილი. უკვე გამოცემული სინგლის, JUMP-ის შემდეგ, რომელიც პროექტის გამხსნელი სიმღერაა, ალბომში შედის სიმღერები: GO, Me and my, Champion და Fxxxboy.
მუქ ფერებში შექმნილი პოსტერის ვიზუალი კონცეპტუალურად BLACKPINK-ის იანვარში გაზიარებულ შთამბეჭდავ ფოტოებს ჰგავს. ბენდი პრესრელიზში წერს: „შეგრძნებებზე დაფუძნებული შავ-თეთრი ესთეტიკა დაუძლეველ აურასთან ერთიანდება და ახალი რელიზის მოლოდინს კიდევ უფრო ამძაფრებს“.
Deadline-ის გამოცემა 27 თებერვალს იგეგმება, ოთხი წლის შემდეგ, რაც ჯგუფმა ბოლოს სიმღერების კრებული გამოუშვა. 2022 წელს მათი ალბომი Born Pink Billboard 200-ში პირველ ადგილზე მოხვდა.
ხუთტრეკიანი პროექტი მოჰყვა BLACKPINK-ის Deadline World Tour-ს, რომელიც გასული წლის ივლისში დაიწყო და იანვარში დასრულდა. მანამდე კი ჯგუფის წევრებმა გარკვეული პერიოდი ცალ-ცალკე, სოლო პროექტებზე იმუშავეს.
Deadline-ზე საუბრისას ROSÉ-მ ცოტა ხნის წინ პოდკასტში Call Her Daddy აღნიშნა:
„ეს ის ალბომია, რომელსაც ჩვენ ყველანი ძიების ერთწლიანი პერიოდის შემდეგ დავუბრუნდით, იმ დროს, როდესაც ინდივიდუალურ შემოქმედებაზე ვიყავით გადართული. ვფიქრობ, ძალიან საინტერესო იყო ხელახლა გაერთიანება და იმის ნახვა, თუ რა შეიქმნა ამ გამოცდილების შემდეგ. მართლა ძალიან მომწონს ალბომში შესული თითოეული სიმღერა“.
ნახეთ Deadline-ის სიმღერათა სრული სია:
