The Weeknd-ის მუსიკალურმა ვიდეომ, სახელწოდებით Save Your Tears, პლატფორმა Youtube-ზე მილიარდ ნახვას გადააჭარბა. ვიდეო შეუერთდა არტისტის იმ ვიზუალური ნამუშევრების სიას, რომლებმაც სხვადასხვა დროს ამ შედეგს მიაღწია.
Save Your Tears შესულია არტისტის გახმაურებულ, მეოთხე სტუდიურ ალბომში, სახელწოდებით After Hours, რომელიც 2020 წლის 9 აგვისტოს გამოიცა. თავად კომპოზიციაზე გადაღებული ვიდეო, მუსიკოსმა 2021 წლის 5 იანვარს გამოაქვეყნა.
კლიპი საკმაოდ პროვოკაციული შინაარსით გამოირჩევა. მასში ვხედავთ პოპ-ვარსკვლავს, რომელმაც გრიმით პლასტიკური ქირურგიის ეფექტი შეიქმნა .
რაც შეეხება The Weeknd-ის სხვა ცნობილ ვიზუალურ ნამუშევრებს, აღსანიშნავია, რომ კლიპს – Starboy 2,1 მილიარდი ნახვა აქვს, The Hills-ს კი ამ დრომდე 1.9 მილიარდმა მომხმარებელმა უყურა. კლიპმა Can’t Feel My Face 1.2 მილიარდ ნახვას მიაღწია, ხოლო მუსიკალურმა ვიდეომ I Feel It Coming – 1.04 მილიარდს.
ნახეთ მუსიკალური ვიდეო Save Your Tears:
