შეერთებული შტატების პრეზიდენტმა, ჯო ბაიდენმა ხელი მოაწერა „ქორწინების პატივისცემის აქტს“, რომელიც ერთი და იმავე სქესის ადამიანებს სამოქალაქო ქორწინებაზე უფლებას აძლევს. ხელმოწერის ოფიციალური ცერემონია თეთრ სახლში შედგა. დოკუმენტზე ხელის მოწერის დროს, ლედი გაგას ცნობილი ჰიტი, Born This Way გაჟღერდა. „მე ლამაზი ვარ ჩემებურად / ღმერთი შეცდომებს არ უშვებს / მე სწორ გზას ვადგავარ, ასეთი დავიბადე“ – ისმის სიმღერის ტექსტში.
“Born This Way” was played after President Biden signed the Respect For Marriage Act into law today.pic.twitter.com/LVaQ5eZOHR
— Lady Gaga Now | Fanpage (@ladygaganownet) December 13, 2022
Born This Way ლედი გაგას 2011 წლის ამავე სახელწოდების მუსიკალურ ალბომშია შესული. გამოცემის დღიდან, ეს კომპოზიცია LGBTQIA+ თემის ერთგვარ ჰიმნად მიიჩნევა. 2021 წელს, ინსტაგრამზე გამოქვეყნებულ პოსტში გაგამ აღნიშნა – „ჩემი სიმღერა და ალბომი, Born This Way შთაგონებულია კარლ ბინით, შავკანიანი რელიგიური აქტივისტით, რომელიც გეი იყო. ის ქადაგებდა, მღეროდა და წერდა იმის შესახებ, რომ „ასეთი დაიბადა”. მისი ადრეული ნამუშევრები 1975 წელს, ჩემს დაბადებამდე 11 წლით ადრე გამოქვეყნდა. მადლობა შეუპოვარი სიყვარულის, სიმამაცისა და სიმღერის მიზეზის მოცემისათვის. ყველას შეგვიძლია ვიგრძნოთ სიხარული, რადგან ჩვენ ამას ვიმსახურებთ. რადგან ჩვენ ყველა ვიმსახურებთ უფლებას, რომ ტოლერანტობის იდეა, მიმღებლობა და თავისუფლება გავავრცელოთ.”
ახალი კანონის მიღებისათვის ხმის მიცემის პროცესი, შეერთებული შტატების წარმომადგენელთა პალატის 258 მომხრით და 169 მოწინააღმდეგით დასრულდა. სენატში კი კანონპროექტს 61-მა წევრმა დაუჭირა მხარი.
აქტის ხელმოწერის ცერემონიაზე სინდი ლოპერმა თავისი ჰიტი – True Colors იმღერა. დამსწრე საზოგადოების წინაშე ასევე სემ სმითი წარდგა, რომელმაც 2014 წლის ცნობილი ბალადა, Stay With Me შეასრულა.
