კვირას, 18 დეკემბერს – სერიალ Euphoria-ს ჩვენებისას, ზენდაიამ, სიდნი სვინიმ, ჰანტერ შაფერმა და მაუდ აპატოუმ კითხვა-პასუხის რეჟიმში პერსონაჟები განიხილეს. ამ დღეს Euphoria-ს მეორე სეზონის, მეხუთე ეპიზოდის – Stand Still Like the Hummingbird-ს ჩვენებაც შედგა.
სერიალის რეჟისორმა სემ ლევინსონმა დაწერა, რომ ახალი სეზონი სრულად განსხვავებულია. ზენდაიას თქმით სერიალის განსხვავებული ვერსიის გადაღება გეგმაში ყოველთვის არსებობდა.
„წინა სეზონს სევდიანი დასასრული ჰქონდა, ამიტომ ვფიქრობდით, რომ აქ არ უნდა გავჩერებულიყავით.“ – თქვა კითხვა-პასუხის დროს ზენდაიამ Paramount თეატრში შეკრებილ საზოგადოებასთან. „ვფიქრობ როგორც ყველას, ჩვენც გვჭირდებოდა ცოტაოდენი იმედი, ეს არის ის, რასაც მოუთმენლად ველოდით. ამ მძიმე, მტკივნეულ პერიოდში ყველას სჭირდებოდა ცოტაოდენი სიკეთე და სიხარული.“ – აღნიშნა ზენდაიამ.
მსახიობებმა სერიალის პერსონაჟები განიხილეს. Euporia-ში მთავარი მოქმედი გმირის რუს როლისთვის, ზენდაიამ მეორე ემი მიიღო. მსახიობებმა სამომავლო გეგმებზეც და სერიალის მესამე სეზონზეც ისაუბრეს.
სიდნეი სვინის თქმით, მისი პერსონაჟი კასისთვის ოჯახია მნიშვნელოვანია, რადგან ის ყველგან, მის მეგობრებშიც და პარტნიორებშიც ოჯახურ ურთიერთობებს ეძებს. მოუდ აპატოუმ კი ლექსის პერსონაჟზე გაამახვილა ყურადღება და თქვა რომ პერსონაჟს თავისუფლება სწყურია. სურს გათავისუფლდეს საკუთარი თავისგან, უარყოფით აზრებისგან და საკუთარ თავზე ნეგატიური აღქმისგან. „როდესაც ამ ყველაფერს აცნობიერებ, შენი თავის სრულ პოტენციალზე ფიქრობ და საკუთარ თავთან წინააღმდეგობაში აღარ მოდიხარ.“
ზენდაიამ აღნიშნა, რომ რუს პერსონაჟი ცდილობს ცხოვრებისგან სიამოვნება მიიღოს. მიუხედავად იმისა, რომ გმირი ცხოვრებისეულ პრობლემებში იძირება, ცდილობს თავი წყლის ზედაპირზე დაიჭიროს და იცოცხლოს.“
„ძალიან მიხარია, როცა ვინმე მოდის და რუს პერსონაჟზე მესაუბრება. ადამიანებისგან უამრავ წერილს ვიღებ და მადლიერი ვარ ამ გამოცდილებისთვის. Euphoria-მ უდიდესი საჩუქარი მომიტანა, რომელიც მიზანს და მიმართულებას მაძლევს. პერსონაჟს გარკვეული პრობლემების გადალახვა უწევს, თუმცა საბოლოოდ ჩვენ დანიშნულების ადგილზე მაინც მივალთ.“ – აღნიშნა ზენდაიამ Paramount თეატრში შეკრებილ საზოგადოებასთან.
