2023 წელს ჯენიფერ ლოპესის კარიერაში ახალი ეპოქა იწყება – მომღერალი ალბომს, სახელწოდებით This Is Me … Now გამოუშვებს. ღია წერილში ვარსკვლავმა დაანონსებული ალბომისათვის დაწერილ ერთ-ერთ სიმღერაზე ისაუბრა.
„სიმღერა, სახელწოდებით Hummingbird ახალი ალბომისათვის დავწერე. კოლიბრები ჩემთვის სიყვარულის მაცნეები არიან. ეს განსაკუთრებული მოქნილობით გამორჩეული სახეობაა – ამ ჩიტებს ფრენა ნებისმიერი მიმართულებით შეუძლიათ. კოლიბრი ასევე ყველაზე სწრაფი ფრინველია, თუმცა დროს ყოველთვის პოულობენ, რომ გაჩერდნენ, ჭამონ ტკბილეული და ვარდები დაყნოსონ. ჩემს თავს ამ არსებებთან ვაიგივებ. ყოველთვის, როცა კოლიბრს ვხედავ, ვფიქრობ ეს ღმერთისგან ნიშანია, რომ ყველაფერი კარგად იქნება.“ – აღნიშნა ჯენიფერ ლოპესმა.
ვარსკვლავის თქმით, ბოლო დროს, ძირითადად სახლში, ოჯახის წევრებთან ერთად ყოფნა მოსწონს. „ჩვენ დიდი ოჯახი გვაქვს. წევრების რაოდენობა გაორმაგდა და შესაბამისად, გაორმაგდა მხიარულებაც და სიყვარულიც“ – თქვა ლოპესმა.
ცოტა ხნის წინ, ჯენიფერ ლოპესმა და ბენ აფლეკმა ლოს ანჯელესში საშობაო წვეულება მოაწყვეს. ჰოლივუდურ წვეულებაზე ლოპესს Gucci-ის კაბა ეცვა. როგორც მომღერალმა განმარტა, კაბაზე დატანილი ლურჯი და ოქროსფერი პრინტერიც, მისთვის სწორედ კოლიბრის შეფერილობასთან ასოცირდება.
რაც შეეხება ახალ ალბომს, This Is Me … Now 2023 წელს გამოვა.
ნახეთ პოსტი, რომლითაც ჯენიფერ ლოპესმა ახალი ალბომის გამოშვება დააანონსა:
