ჯესი ჯეი მილოცვებს იღებს. მომღერალმა სოციალური ქსელით გაამხილა, რომ მალე დედა გახდება.
ვარსკვლავმა ინსტაგრამზე ემოციური ვიდეო გააზიარა თავისსავე სიმღერაზე Sunflower. კლიპი ორსულობის ტესტის, ექოსკოპიის კადრებითა და მომღერლის ფოტოებითა და ვიდეოებით არის აწყობილი.
„ძალიან ბედნიერი და შეშინებული ვარ. გთხოვთ, სიკეთე გამოიჩინეთ ჩემ მიმართ,” – დაწერა მომღერალმა.
შარშან ჯესი ჯეიმ გაამხილა, რომ 2021 წლის ნოემბერს მუცელი მოეშალა. როგორც მომღერალი იმ დროს ჰყვებოდა, ექიმებმა მესამე გეგმიურ ვიზიტზე უთხრეს, რომ ბავშვის გულის ცემა შეწყვეტილი იყო. „ვგრძნობ, რომ ემოციებს ვერ ვაკონტროლებ. შეიძლება ამის დაწერაც ვინანო. შეიძლება – არა. არაფერი ვიცი.”
ამ პოსტის შემდეგ კი ჯესი ჯეიმ ფანებს მხარდაჭერისთვის მადლობა გადაუხადა. „თქვენს უსაზღვრო სიყვარულს ვგრძნობ, ვიღებ და განუზომლად ვაფასებ. სწორედ ამან მომცა ძალა, რომ დღეს საწოლიდან ავმდგარიყავი. Მადლობა,” – წერდა მომღერალი.
