მსახიობმა დაიან კიტონმა სოციალურ მედიაში ვიდეო გამოაქვეყნა, რომელშიც ის მაილი საირუსის ახალ ჰიტზე – Flowers-ზე ცეკვავს.
ოსკაროსანი მსახიობის პოსტის აღწერაში ვკითხულობთ – „მაილი, შენმა არაჩვეულებრივმა სიმღერამ მომანდომა, რომ ჩემს ეზოში მეცეკვა“.
როგორც აღმოჩნდა, დაიან კიტონი არ არის ერთადერთი ვარსკვლავი, რომელიც მაილი საირუსის სიმღერით გამოსვლისთანავე მოიხიბლა. ნამუშევარს I Will Survive-ის ავტორი, გლორია გეინორიც გამოეხმაურა. გეინორმა მაილის მიმართა და აღნიშნა, რომ ეს სიმღერა ადამიანებს ამხნევებს და მოუწოდებს, საკუთარ თავში ძალა იპოვონ. „ყოჩაღ, მაილი“ – წერს გლორია გეინორი.
