დუბაიში გამართულ კონცერტზე, ბიონსესთან ერთად აუდიტორიის წინაშე მომღერლის 11 წლის ქალიშვილი ბლუ აივი წარდგა. ბიონსემ იგი სცენაზე Brown Skin Girl-ის შესასრულებლად მიიწვია.
კონცერტი დუბაის მაღალი კლასის სასტუმროს გახსნის ფარგლებში გაიმართა. როგორც The Hollywood Reporter იუწყება, მუსიკალური შოუ საათსა და 15 წუთს გრძელდებოდა. საღამოზე ვარსკვლავმა თავისი არაერთი ძველი ჰიტი შეასრულა, მათ შორის Crazy In Love, Countdown, Naughty Girl, Halo და სხვა. Შოუს უკანასკნელი სიმღერა Drunk In Love იყო. დახურულ კონცერტს მხოლოდ სპეციალურად მიწვეული სტუმრები ესწრებოდნენ, მათ შორის იყო Jay Z. .
რაც შეეხება სიმღერას – Brown Skin Girl, ის „გრემის“ ჯილდოს მფლობელი ნამუშევარია, რომელსაც ბიონსე და ბლუ აივი ერთად ასრულებენ.
