Zuka ახალ კომპოზიციებსა და მათზე გადაღებულ ვიდეოკლიპებს აზიარებს. Why Didn’t You Let Me Stay და Celo’s Memories მოკლე მუსიკალური ჩანახატებია. მათ თან ახლავს მინიმალისტური და სიმბოლური ვიდეოები, რომლებიც ვიზუალურად გადმოსცემს კომპოზიციებში მოყოლილ ამბებსა და ემოციებს.
Zuka:
„Why Didn’t You Let Me Stay ძველი კომპოზიციაა, რომელიც ახლიდან ჩავწერე. ვიდეოს იდეა კომპოზიციის სახელიდან გამომდინარეა: გარეთ ვარ და შიგნით ვერ შევდივარ, არ მიშვებენ. Რაც შეეხება სათამაშოს, რომელიც ხელში მიჭირავს, ეს, თითქოს, ჩემი ბუნების ნაწილია. ჩემი მიზანი იყო, რომ ვყოფილიყავით მე, როგორც ფიზიკური მე და მეორე – ჩემი შინაგანი მე. Ვიფიქრე, რომ სათამაშო ამ ჩემი შინაგანი მხარის იდეას კარგად გამოხატავდა. Თან ხელში მიჭირავს და ჩახუტებული მყავს. Ძალიან გულახდილი ვიდეოა. შეიძლება ითქვას, რომ ჩემი თავის გულწრფელი გამოხატვაა.”
„Რაც შეეხება Celo’s Memories, ეს ჩემს ბავშვობას უკავშირდება. Სილო ჩემი ბავშვობის წარმოსახვით მეგობარს ერქვა და ეს კომპოზიცია სწორედ მას მივუძღვენი. Ამ ვიდეოში ტელევიზორთან ვზივარ და როგორც ტელევიზორშია თეთრი ხმაური, სადაც არაფერი გამოკვეთილი არ არის და არ ჩანს, ვფიქრობ, ეგრეა ჩემს მეხსიერებაშიც შემონახული ჩემი წარმოსახვითი მეგობრის მოგონებები – თითქოს არ ჩანს.”
Why Didn’t You Let Me Stay და Celo’s Memories სხვა კომპოზიციებთან ერთად Zuka-ს ახალ ალბომში შევა, რომელსაც მუსიკოსი უახლოეს მომავალში გამოსცემს.
