როგორც ჩანს, Mod Sun-თან დაშორების შემდეგ ავრილ ლავინმა მისი შემცვლელი მალევე იპოვა. პარიზის მოდის კვირეულზე ლავინი და რეპერი ტაიგა კოცნის დროს დააფიქსირეს. მანამდე იწერებოდა, რომ წყვილი მალიბუზე ერთად ვახშმობის დროსაც შენიშნეს.
28 თებერვალს Mod Sun-მა ავრილ ლავინთან დაშორების შესახებ ინსტაგრამზე დაწერა. „ერთ კვირაში მთელი ჩემი ცხოვრება შეიცვალა… თუმცა მე ყოველთვის მოვუსმენ ჩემს გულს, მაშინაც კი, როდესაც ის დამსხვრეულია. მსოფლიოში საუკეთესო მეგობრები მყავს. მადლობა, რომ ყოველთვის მხარში მიდგახართ. შევხვდებით სცენაზე,” – წერდა რეპერი.
Mod Sun-მა და ავრილ ლავინმა ურთიერთობა 2021 წელს, ერთობლივი ნამუშევრის Flames-ის გამოშვების შემდეგ დაიწყეს. 2022 წლის აპრილში კი ლავინმა ინსტაგრამით გაამხილა, რომ წყვილი დაინიშნა და ეიფელის კოშკის ფონზე ხელის თხოვნის ფოტოებიც გამოაქვეყნა. „კი! მიყვარხარ სამუდამოდ” – წერდა მომღერალი ფრანგულად.
