გიორგი გიგაშვილი რუბინშტეინის საფორტეპიანო კონკურსის მაყურებლის რჩეული გახდა! ქართველ პიანისტს გადაეცა ახალგაზრდა ჟიურის პრიზიც! 

ჯამში გიგაშვილი ყველაზე მეტი ჯილდოს მფლობელი გახდა. მას გადაეცა ისრაელის მშვიდობის პრიზი და ასევე პრიზი კამერული მუსიკის საუკეთესო შესრულებისთვის.

გიორგი გიგაშვილი რუბინშტეინის საერთაშორისო საფორტეპიანო კონკურსის მაყურებლის რჩეული გახდა! კონკურსის გამარჯვებულთა ვინაობა გუშინ, ფინალური სესიების დასრულების შემდეგ დასახელდა და ქართველ პიანისტს საერთაშორისო ჟიურიმ მეორე ადგილი მიანიჭა. დღეს კი დაჯილდოების ცერემონია გაიმართა, სადაც სხვა პრიზების მფლობელებიც დასახელდნენ. 

მაყურებლის რჩეულის გარდა, გიორგი გიგაშვილი გახდა კონკურსის ახალგაზრდა ჟიურის მიერ არჩეული გამარჯვებულიც. ქართველ პიანისტს გადაეცა ასევე ჯილდოები: ისრაელის მშვიდობის პრიზი და პრიზი კამერული მუსიკის საუკეთესოდ შესრულებისთვის. ჯამში ქართველი პიანისტი მონაწილეთა შორის ყველაზე მეტი ჯილდოს მფლობელი გახდა!

დაჯილდოების ცერემონიაზე დასახელდნენ ისრაელის ხუთი მუნიციპალიტეტის რჩეულებიც, სადაც ფინალური კონცერტები დიდ ეკრანზე გადაიცემოდა. თითოეულმა მუნიციპალიტეტმა საკუთარი აუდიტორიის რჩეული გამოავლინა, რომელსაც კონკურსის შემდგომ თავისთან უმასპინძლებს. ხუთი მუნიციპალიტეტიდან ოთხის რჩეული გიორგი გიგაშვილი გახდა, რის შემდეგაც წამყვანმა ქართველ პიანისტს მიმართა, რომ მას კიდევ ოთხ ქალაქში მოუწევდა დაკვრა. 

გიორგი გიგაშვილის ყოველ გამოცხადებას მაყურებელი ოვაციებით ხვდებოდა. როცა წამყვანმა დარბაზს მიმართა, რომ ახლა სწორედ მათი რჩეულის გამოვლენის დრო იყო, მისი ვინაობის დასახელებამდე მცირე პაუზა გააკეთა. აუდიტორიამ კი ზუსტად იცოდა, ვინ იყო მისი რჩეული და ვინაობის გამხელამდე აპლოდისმენტებით შეხვდა გამარჯვებულს, რის შემდეგაც წამყვანმა კიდევ ერთხელ გამოაცხადა გიორგი გიგაშვილი.

ნახეთ მაყურებლის რჩეულის დასახელება და დარბაზის რეაქცია

Share
Tweet
Share
Share
Share

წინა სტატია

სანდრო გეგეჭკორი ჯულიარდის სკოლაში ჩაირიცხა

შემდეგი სტატია

Tyler, The Creator ახალი ალბომით დაბრუნდა

შეიძლება დაგაინტერესოთ

მუსიკალური გამომცემლების ეროვნული ასოციაცია Spotify-ს არალიცენზირებული მასალის განთავსებაში ადანაშაულებს

ასოციაციამ Spotify-ს ოფიციალური წერილით მიმართა და ამ მასალის პლატფორმიდან ამოღება მოსთხოვა.
მეტი

TBILISI NEWCOMERS 2024

Tbilisi Newcomers 2024-ზე საკონკურსო ნამუშევრების მიღებამდე ერთი დღე რჩება.
მეტი

Wicked-ის კადრს მიღმა სცენებში არიანა გრანდე და სინთია ერივო როლზე დამტკიცებას ემოციურად ხვდებიან

პრემიერამდე რამდენიმე თვით ადრე კინოსტუდია Universal Pictures-მა კადრს მიღმა დარჩენილი სცენების ვიდეო გამოაქვეყნა, რომელშიც მთავარი გმირები პროექტზე საუბრობენ.
მეტი