იაპონელი მუსიკოსი რიუიჩი საკამოტო 71 წლის ასაკში გარდაიცვალა. საკამოტომ ისეთი ცნობილი ჰოლივუდური ფილმებისთვის შექმნა მუსიკა, როგორებიც არის The Last Emperor და The Revenant.
იაპონიის ხმისჩამწერი კომპანიის, Avex-ის ოფიციალურ განცხადებაში წერია, რომ საკამოტო 28 მარტს გარდაიცვალა.
ბოლო წლების განმავლობაში რიუიჩი საკამოტო კიბოს ებრძოდა. გარდა მუსიკალური შემოქმედებისა, რიუიჩი საკამოტო ფილმში Merry Christmas Mr. Lawrence მსახიობის ამპლუაში გამოჩნდა და იაპონელი ჯარისკაცის როლი შეასრულა.
რიუიჩი საკამოტო მეოცე საუკუნის 70-იანი წლების ელექტრონულ მუსიკაში პიონერი არტისტია. მან ჰარუომი ჰოსონოსთან და იუკიჰირო ტაკაჰაშისთან ერთად ჯგუფი, სახელწოდებით – Yellow Magic Orchestra დააარსა. საკამოტო არაერთხელ წარადგინეს Grammy-ის მუსიკალურ დაჯილდოებაზე. ფილმის – The Last Emperor მუსიკალური გაფორმებისათვის საკამოტომ ოსკარი დაიმსახურა.
