15 აპრილს ამერიკაში ჟესტური ენის ეროვნული დღე აღინიშნება. ამ თარიღს Metallica გამოეხმაურა და განაცხადა, რომ ახალ ალბომში შემავალ ყველა სიმღერას ამერიკული ჟესტური ენის ვიდეო ინტერპრეტაციით გამოუშვებს. სპეციალური განცხადების სახით, ჯგუფმა ალბომში – 72 Seasons-ში შემავალი ამავე სახელწოდების ტრეკის ვიდეო გაავრცელა, რომელსაც ამერიკული ჟესტური ენით ინტერპრეტაციის კადრები გასდევს. პროექტის ფარგლებში ბენდმა ამერიკული ჟესტური ენის თარჯიმანთან, ემბერ გალოუეისთან ითანამშრომლა. გალოუეი შეერთებულ შტატებში ფესტივალების ერთ-ერთ საუკეთესო თარჯიმნად მიიჩნევა.
ერთ-ერთ ვიდეო განცხადებაში ტომ ოსბორნმა, რომელიც საკუთარ თავს Metallica-ს ყრუ ფანად მოიხსენიებს, პროექტის მნიშვნელობა ახსნა – „ჩემთვის დიდი პატივია გამოვაცხადო, რომ 25 აპრილს Metallica ახალი ალბომის – 72 Seasons-ის ყველა ტრეკს ჟესტური ენის ინტერპრეტაციით გამოუშვებს“ .
ნახეთ Metallica-ს ახალი ალბომის გამოცემის ფარგლებში გამოქვეყნებული ვიდეოები:
