Kid Cudi სტრიმინგ სერვის Paramount+-ის ახალ პროექტში მიიღებს მონაწილეობას. Knuckles ასე ჰქვია დაანონსებულ ანიმაციურ სერიალს, რომელიც Sonic the Hedgehog-ის ე.წ. Სპინოფია. Kid Cudi პროექტის შემოქმედებით გუნდს მსახიობის სტატუსით შეუერთდა. ინფორმაციას გამოცემა Deadline ავრცელებს. აღნიშნული სიახლე არტისტმა ინსტაგრამზე გამომწერებს თავადაც გაუზიარა. ახალ პროექტში მონაწილეობას Kid Cudi ტვიტერზე გამოქვეყნებული პოსტითაც გამოეხმაურა.
როგორც Deadline იუწყება, Knuckles-ს მაყურებელი Sonic the Hedgehog 2-ისა და Sonic the Hedgehog 3-ის პრემიერებს შორის პერიოდში იხილავს. უფრო ზუსტად კი, ანიმაცია Paramount+ -ზე 2024 წლის 20 დეკემბერს გამოვა.
Kid Cudi-ის როლის შესახებ ინფორმაცია ჯერჯერობით უცნობია. დაანონსებული ანიმაციის მთავარ პერსონაჟს, სახელად Knuckles-ს Sonic the Hedgehog-ის ფილმებში იდრის ელბა ახმოვანებს. Knuckles არტისტისათვის მეორე ანიმაციური პროექტია. 2022 წელს Kid Cudi-ის მეათე სტუდიური ალბომის ვიზუალიზაციის სახით, Netflix-მა სპეციალური პროექტის ფარგლებში, ანიმაციური ფილმი – Entergalactic გამოუშვა.
ნახეთ Kid Cudi-ის პოსტები:
Sweets is happy and excited about the Knuckles show pic.twitter.com/Sre0FttpEn
— The Chosen One (@KiDCuDi) April 17, 2023
