კოაჩელას ფესტივალზე მეორე გამოსვლის დროს Bad Bunny-მ ჰარი სტაილსს ბოდიში მოუხადა.
„ბოდიში, ჰარი. ეს ჩემი გუნდის შეცდომა იყო. ჩვენ შენ გვიყვარხარ” – დაეწერა რეპერის შესრულებისას ეკრანზე.
Ბოდიში ფესტივალზე Bad Bunny-ს პირველი გამოსვლის დროს ასევე ეკრანზე გავრცელებულ მესიჯს მოჰყვა. სიმღერის El Apagón შესრულებისას პუერტო-რიკოელი რეპერის უკან ეკრანზე გამოჩნდა ტვიტი ტექსტით: „ღამე მშვიდობის. ბენიტოს შეუძლია გააკეთოს As It Was, მაგრამ ჰარი ვერასდროს გააკეთებს El Apagón-ს.”
ინციდენტიდან რამდენიმე დღის შემდეგ Bad Bunny-ს წარმომადგენელმა Rolling Stone-სთან განაცხადა, რომ რეპერი კომენტარს არ აკეთებს და რომ გავრცელებული ვიზუალი ბენიტოს არ დაუდასტურებია. კომპანიამ, რომელიც Bad Bunny-ს გამოსვლისთვის ვიზუალურ კონტენტს აწარმოებს, ასევე დაადასტურა, რომ აღნიშნული ტექსტი არტისტს არ დაუმტკიცებია და რომ ის მიზნად არ ისახავდა ჰარი სტაილსისთვის შეურაცხყოფის მიყენებას.
წინა კვირას Bad Bunny კოაჩელას ფესტივალის პირველი სოლო ლათინო-ამერიკელი ჰედლაინერი გახდა. ამ პერიოდში რეპერმა ემოციური მესიჯი გაავრცელა ცნობილი ადამიანების ცხოვრებაზე.
„ადამიანები ფიქრობენ, რომ ყველაფერი იციან ცნობილი ადამიანების ცხოვრებაზე, მაგრამ სინამდვილეში ასე არ არის. მათ არ იციან, რას ვგრძნობთ, რას გავდივართ ცხოვრებაში. მათ არასდროს ეცოდინებათ, რას გრძნობს გული. არ დაუჯეროთ ყველაფერს, რასაც კი გაიგონებთ. თქვენ ვერ გაიცნობთ ჩემს ნამდვილ მეს ინსტაგრამის ვიდეოთი, ინტერვიუთი ან TikTok-ით.”
ნახეთ Bad Bunny-ს ბოდიში ჰარი სტაილსს
Bad Bunny displays apology to Harry Styles during his second Coachella set after a shady tweet was displayed last week:
— Pop Base (@PopBase) April 22, 2023
“Sorry Harry. It was a mistake from my team. We love you. <3” pic.twitter.com/qRDCjxVhqc
