სუპერვარსკვლავ Shakira-ს „ბილბორდის“ „წლის ქალის წოდება“ მიენიჭება (Mujeres Latinas en la Música ანუ „ლათინო ქალები მუსიკაში“) ორსაათიან მუსიკალური შოუს აივი ქუინი და მექსიკელი წამყვანი და მსახიობი ჟაკლინ ბრაკამონტესი უმასპინძლებენ. შოუ Watsco Center-ში ექვს მაისს ჩაიწერება და Telemundo-ზე შვიდ მაისს ექსკლუზიურად გადაიცემა.
ეს არის პირველი ლათინური მუსიკის შოუ Mujeres Latinas en la Música, რომელიც ლათინო ქალი არტისტების მიერ პოზიტიურ ცვლილებებს და მუსიკალურ ინდუსტრიაში გენდერული თანასწორობის ჩართვას ეხმიანება. Billboard-ის მიერ Telemundo-თან ერთად წარდგენილ ღონისძიებაზე ასევე დაჯილდოვდებიან სუპერვარსკვლავები, ანა გაბრიელი, ემილია, Evaluna, Goyo და Thalia.
Shakira წარმატებული წლის შემდეგ, (2022 წელს, ესპანურენოვანი დუეტით Monotonía რეკორდი მოხსნა), 2023 წლის იანვარში Billboard-ის „საუკეთესო ასეულში“ მეცხრე ნომრად დასახელდა და პირველი ქალი გახდა, რომელიც ესპანურენოვანი სიმღერით ჩარტების ტოპ ათეულში შევიდა. Sessions-ის მონაცემებით Spotify-ის ისტორიაში ოცდაოთხი საათის განმავლობაში ლათინური სიმღერის ჩამოტვირთვის რეკორდული მაჩვენებელი დაფიქსირდა და YouTube-ზე ოცდაოთხი საათის განმავლობაში ლათინურ ენოვანი სიმღერის – 63 მილიონიანი, რეკორდული ნახვა დააგროვა. მან „გინესის“ წიგნის თოთხმეტი რეკორდი მოხსნა.
„Shakira მუსიკის ისტორიაში საოცარი ქალია, მისი წყალობით მთელ მსოფლიოში ლათინო ქალებს უფლება მიეცათ საავტორო მუსიკა დაწერონ და შეასრულონ. მან ტრადიციით და ნიჭით შექმნა ეს მოძრაობა და დღეს მისი შემოქმედება კიდევ უფრო აქტუალურია ვიდრე ოდესმე. იგი არის დეფინიცია – ქალები მუსიკაში.“ თქვა Billboard-ის წარმომადგენელმა ლეილა კობომ.
Shakira-მ მსოფლიოს მასშტაბით, ოთხმოცდათხუთმეტ მილიონზე მეტი ჩანაწერი გაყიდა და ყველაზე გაყიდვად მუსიკოს შემსრულებლად დასახელდა, რაც ყველა დროის ყველაზე გაყიდვად ქალ-ლათინო შემსრულებლად აქცევს. Shakira-ს მსოფლიო წარმატებამ, სხვა ლათინურ ენოვან არტისტებს საერთაშორისო ბაზარზე კარი გაუხსნა.
თვრამეტი წლის ასაკში Shakira-მ საქველმოქმედო ფონდი Pies Descalzos Foundation დააარსა. ფონდმა ცხრა საჯარო სკოლა ააშენა, დაარსების დღიდან, ორმოც მილიონ დოლარზე მეტი მოაგროვა და 150, 000-ზე მეტ ბავშვს და თითქმის 900, 000 ოჯახს დაეხმარა.
