მაიკლ ჯექსონის სიმღერის სახელწოდებით They Don’t Care About Us მუსიკალური ვიდეო YouTube-ზე მილიარდ ნახვას გასცდა.
საპროტესტო ჰიმნი 1996 წელს გამოვიდა. სინგლი შესულია ჯექსონის მეცხრე სტუდიურ ალბომში, სახელწოდებით HIStory: Past, Present and Future, Book I.
მუსიკალური ვიდეო ბრაზილიაშია გადაღებული და მისი რეჟისორი სპაიკ ლია. ვიდეოში თავად ჯექსონი მონაწილეობს. ვიდეოს გადაღება ხმაურიანად მიმდინარეობდა, რამდენადაც ბრაზილიის მთავრობა ცდილობდა, ჯექსონისათვის რიო-დე-ჟანეიროსა და სალვადორის ქუჩებში გადაღება აეკრძალა.
სიმღერა They Don’t Care About Us განსაკუთრებით აქტუალური Black Lives Matter-ის საპროტესტო მოძრაობის შემდეგ გახდა. მოძრაობამ ეს კომპოზიცია 2014, 2015 და 2020 წლებში გამოიყენა.
Სიმღერის They Don’t Care About Us მუსიკალური ვიდეო ჯექსონის მეორე კლიპია, რომელიც Youtube-ზე მილიარდზე მეტმა მომხმარებელმა ნახა. პირველი მუსიკალური ვიდეო, რომელმაც ამ შედეგს მიაღწია Billie Jean-ზე გადაღებული კლიპია.
ნახეთ მაიკლ ჯექსონის მუსიკალური ვიდეო, რომელიც გადაღებულია სიმღერაზე They Don’t Care About Us:
