ზენდეია Louis Vuitton-ის ამბასადორად დასახელდა. ამის შესახებ მოდის სახლმა ოფიციალურად 20 აპრილს განაცხადა. მალევე, სერიალ Euphoria-ს ვარსვლავი ბრენდის ახალ კამპანიაში გამოჩნდა. კამპანია Louis Vuitton-ის ჩანთის მოდელს, სახელწოდებით Capucines-ს ეძღვნება.
ეს ზენდეიას და Louis Vuitton-ს შორის პირველი თანამშრომლობაა. ფოტოებში ზენდეია დღის შუქზე, ღია ცის ქვეშ პოზირებს და ჩანთის სხვადასხვა ფერის მოდელს წარადგენს. ფოტოები ფრანგულ რივიერაზე, „ლაჟვარდოვანი სანაპიროს“ სახელით ცნობილ მხარეშია გადაღებული.
„მე Louis Vuitton-ის კამპანიების გარემოცვაში ვიზრდებოდი“- აღნიშნა ზენდეიამ ჟურნალ Vogue-თან ინტერვიუში. „ყველაზე მეტად 2000-იანების ის კამპანია მომწონდა, რომელშიც ნაომი კემპბელი მონაწილეობდა.“
მოდის სახლის კამპანიამ მსახიობში ნოსტალგია მრავალმხრივ გააღვიძა. ვარსკვლავმა სოციალური ქსელების ადრეულ ეპოქაში Louis Vuitton-ის ვიზუალური შეფუთვის პოპულარობის პერიოდი გაიხსენა. „Myspace-ზე ყველას LV-ის პრინტი ეყენა, ყოველ შემთხვევაში მე ნამდვილად მეყენა“ – თქვა ზენდეიამ.
ცოტა ხნის წინ, ზენდეია Valentino-ს ამბასადორი იყო. მსახიობმა იტალიური მოდის სახლთან თანამშრომლობა 2020 წელს დაიწყო.
