მეფე ჩარლზ III-ის კორონაციაზე მიწვეულ კეტი პერის, როგორც ჩანს, ადგილის პოვნა გაუჭირდა.
ელეგანტურ ლავანდისფერ კაბასა და დიდ ქუდში გამოწყობილი მომღერალი კამერებმა მაშინ დააფიქსირეს, როცა უესტმინსტერის სააბატოში გამართულ ხალხმრავალ ცერემონიაზე თავის კუთვნილ ადგილს ეძებდა.
38 წლის პოპვარსკვლავი ვირუსულად გავრცელებულ ვიდეოს სოციალურ ქსელში გამოეხმაურა და დაწერა: „ხალხო, არ იღელვოთ, ვიპოვე ჩემი ადგილი.”
კეტი პერი ერთ-ერთი იყო იმ ვარსკვლავთაგან, რომელიც მეფის კორონაციას ესწრებოდა. მათ შორის იყვნენ ლაიონელ რიჩი, ემა ტომპსონი, ჯუდი დენჩი და სხვები.
კეტი პერი და ლაიონელ რიჩი დღეს, 7 მაისს უინძორის სასახლეში გამართულ კორონაციისადმი მიძღვნილ კონცერტზეც წარდგებიან. გამომსვლელთა შორის იქნებიან ანდრეა ბოჩელი, ნიკოლ შერზინგერი და სხვა შემსრულებლები.
ნახეთ კეტი პერის ვიდეო
Video of Katy Perry struggling to find her seat at the #Coronation of King Charles III has gone viral. pic.twitter.com/i2YMk1wmGe
— Pop Crave (@PopCrave) May 6, 2023
