ჰიპ-ჰოპ მუსიკის ვარსკვლავს, მისი ელოტს და Atlantic Records-ს „აფრო-ამერიკული მუსიკის ეროვნული მუზეუმი“ სპეციალურ ღონისძიებას უძღვნის. ღონისძიება 2 ივნისს, ნეშვილში მდებარე მუზეუმში გაიმართება.
მუზეუმის საპატიო მუსიკოსების სიაში უკვე ვხვდებით ისეთ არტისტებს, როგორებიც არიან ლიონელ რიჩი, ჩაკა ხანი, ქუინსი ჯოუნსი, სმოუქი რობინსონი და ნეშვილში მდებარე „ფისკის უნივერსიტეტის“ ვოკალური გუნდი – Fisk Jubilee Singers.
ახლახან ელიოტი პირველ ჰიპ-ჰოპ არტისტ ქალად დასახელდა, რომელსაც როკ-ენ-როლის დიდების დარბაზში გაუხსნიან ვარსკვლავს. 2019 წელს იგი გახდა ასევე ჰიპ-ჰოპის შემსრულებელი პირველი ქალი არტისტი და სიმღერების ავტორი, რომელიც „სიმღერების ავტორების დიდების დარბაზში“ წარადგინეს.
რაც შეეხება Atlantic Records-ს შეერთებული შტატების ცნობილი ხმისჩამწერი კომპანია 1947 წელს დაარსდა. დაფუძნებიდან პირველი ორი დეკადის განმავლობაში კომპანიამ დიდი გავლენა და რეპუტაცია მოიპოვა. მის პლატფორმაზე შეიქმნა ჯაზის, R&B-ისა და სოულის ჟანრის არაერთი მნიშვნელოვანი ჩანაწერი. Atlantic Records თანამშრომლობდა ისეთ არტისტებთან, როგორებიც არიან არეთა ფრანკლინი, რეი ჩარლზი, უილსონ პიკეტი და სხვა მნიშვნელოვანი მუსიკოსები. 1967 წელს, ხმისჩამწერი კომპანია Warner Bros.-მა შეიძინა.
„აფრო-ამერიკული მუსიკის ეროვნული მუზეუმი“ არის ის სივრცე, რომელიც მუსიკაზე აფრო-ამერიკული ტყეკულტურის გავლენას წარმოაჩენს. მუზეუმი 2021 წელს გაიხსნა.
