Blur მიმდინარე წლის ზაფხულს ახალი სტუდიური ალბომით The Ballad of Darren ბრუნდება, რომელიც ლეიბლ Parlophone-ის მეშვეობით 21 ივლისს გამოვა.
18 მაისს ბენდმა ახალი ალბომის პირველი სინგლი The Narcissist გამოაქვეყნა.
რვა წლიანი პაუზის შემდეგ, ეს ბენდის პირველი ახალი ნამუშევარია. ჯეიმს ფორდის პროდიუსერობით შექმნილი ალბომი The Ballad of Darren ჯგუფის მეცხრე სტუდიური ალბომია, რომელიც ლონდონში Studio 13-ში ჩაიწერა.
ათი სიმღერისგან შემდგარი ალბომის გარეკანზე ბრიტანელი ფოტოგრაფის მარტი პარის ფოტოა.
„ეს არის მიწისქვეშა ბიძგების ჩანაწერი და მისი რეფლექსია და კომენტარი თუ სად აღმოვჩნდით ახლა.“ – ამბობს დეიმონ ოლბარნი.
გიტარისტი გრემ კოქსონი ამბობს: „რაც უფრო ასაკი გვემატება მით უფრო ვგიჟდებით. რასაც ვუკრავთ უფრო სწორი ემოციებით არის დატვირთული.“
Blur-მა Colchester Arts Center-ში 19 მაისს კონცერტი გამართა, რასაც მომდევნო თვეებში ბრიტანეთის და ევროპის ქვეყნებში სხვა კონცერტები მოჰყვება.
90-იანი წლებში Blur ერთ-ერთი ყველაზე წარმატებული ბრიტანული ჯგუფი იყო. კლასიკური ბრიტ-პოპის ლიდერი ჯგუფის წევრები, სხვა ბენდებისგან განსხვავებით დღემდე ერთად მუშაობენ, მუსიკალურად ვითარდებიან და აქტუალურ ბენდად რჩებიან. მათი ცნობილი ჰიტებია Song 2, Parklife, Girls & Boys, Coffee & TV, Beetlebum, Country House და სხვა მრავალი.
„ხანგრძლივი ურთიერთობა, რომ გაგრძელდეს და მნიშვნელობა მიეცეს, რაღაცით მაინც უნდა შეგეძლოთ ერთმანეთის გაოცება, რომელსაც ჩვენ დღემდე ვახერხებთ“. – წერს ბენდის ბას-გიტარისტი ალექს ჯეიმსი
„როდესაც მუსიკას ერთად ვქმნით ეს პროცესი ყოველთვის ბუნებრივია. ყოველი ჩანაწერი რასაც ვაკეთებს რაღაც ახალს ყვება.“ – ამბობს დრამერი დეივ რაუნტრი
მოისმინეთ Blur-ის ახალი სინგლი The Narcissist.
