კურტ კობეინის ნივთები Julien-ის აუქციონზე გაიტანეს. Nirvana-ს სოლისტის კურტ კობეინის და ბენდის ყოფილი წევრების დეივ გროლისა და კრისტ ნოვოსელიჩის მიერ ხელმოწერილი Fender Stratocaster-ის გიტარა აუქციონზე 600 000 დოლარად გაიყიდა. აუქციონზე კურტის მიერ დამტვრეული და შემდეგ ხელახლა აწყობილი გიტარის საწყისი ფასი 60 000 დოლარს შეადგენდა.
Julien-ის აუქციონზე ნივთის საბოლოო გაყიდვამდე ითქვა, რომ Nirvana-ს სოლისტმა გიტარა სცენაზე, კონცერტის დროს დალეწა. შემდეგ ის შეაკეთეს, მაგრამ მასზე არავის დაუკრავს. ბენდის სამივე წევრის ხელმოწერის გარდა გიტარაზე კურტის წარწერაა, რომელიც მარკ ლეგანს ეძღვნება: „Hell-o mark! Love, Your Pal, Kurdt Kobain/ Washed up rockstar.”. ( გამარჯობა მარკ! მიყვარხარ, შენი კურტ კობეინი / როკსტარი). კობეინმა გატეხილი გიტარა Screaming Trees-ის მომღერალ მარკ ლეგანს 1992 წელს Nevermind-ის ტურის დროს აჩუქა.
ეს არ იყო Nirvana-ს ერთადერთი ძვირადღირებული ნივთი, რომელიც აუქციონზე გაიყიდა. აუქციონზე 50,800 დოლარად 1991 წლის 17 აპრილს ბენდის კონცერტზე დაწერილი „სეტლისტი“ გაიყიდა, სადაც ბენდის იმდროინდელი უახლესი ჰიტი Smells Like Teen Spirit შესრულდა.
2022 წლის მაისს საკულტო Fender Mustang-ის 1969 წელს გამოცემული კურტის გიტარა 4,5 მილიონ დოლარად გაიყიდა. 1991 წელს გადაღებულ ვიდეოში, კურტ კობეინი სიმღერა Smells Like Teen Spirit-ს სწორედ აღნიშნულ გიტარაზე უკრავს.
ნახეთ აუქციონზე გატანილი გიტარა:
