ნიკი მინაჟმა დაადასტურა, რომ ხუთწლიანი პაუზის შემდეგ მისი პირველი სტუდიური ალბომი უახლოეს მომავალში გამოვა.
“10/20/23 The Album” – დაწერა მომღერალმა ტვიტერზე.
10/20/23
— Nicki Minaj (@NICKIMINAJ) June 5, 2023
The Album 💿🎀
მინაჟის მეხუთე სტუდიური ალბომი ხუთწლიანი პაუზის შემდეგ გამოვა. 2018 წელს მისი ბოლო ალბომი Queen ბილბორდის 200 ალბომის ჩარტში მეორე ადგილზე გავიდა.
ახალი ალბომის სახელწოდება ჯერჯერობით უცნობია. მომღერალი მას საკუთარი ლეიბლის Heavy On It-ის ქვეშ გამოსცემს.
ნიკი მინაჟის თანამშრომლობამ Sexyy Redd და ტეი კეითთან სიმღერაში Pound Town 2 მომღერალს 130-ედ მოუტანა ადგილი ბილბორდის ცხელ ასეულში. ხოლო Princess Diana-ს რემიქსის დამსახურებით, მინაჟი 22-ედ მოხვდა ტოპ 10 ჰიტში.
ნიკი მინაჟი ასევე მონაწილეობას მიიღებს ვარსკვლავურ საუნდტრეკში გრეტა გერვიგის ფილმისთვის „ბარბი”, რომელიც 21 ივლისს გამოვა.
