ფარელ უილიამსმა თამამი გადაწყვეტილება მიიღო, როცა ლუი ვიტონის კაცის ხაზის პირველ კამპანიაში მონაწილეობა ქალს მიაღებინა. როგორც ცნობილი გახდა, პროდიუსერის სადებიუტო კამპანიის ვარსკვლავი ორსული რიანა იქნება.
ორსეს მუზეუმზე გაკრულ დიდ ბილბორდზე რიანას ლუი ვიტონის რამდენიმე მდიდრული ჩანთა უჭირავს და შავი ქურთუკი აცვია, რომელიც ბოლომდე არ არის შეკრული და მომღერლის დიდი მუცელი ჩანს. რიანა A$AP Rocky-სთან ერთად მეორე შვილს ელოდება.
სოციალურ ქსელში აღნიშნული ფოტო ორივე მუსიკოსმა გააზიარა წარწერით „ლუი ვიტონის კაცის გაზაფხული-ზაფხული 2024”. უილიამსის დადებულ ფოტოში ის თავად პოზირებს რიანას დიდი ბილბორდის წინ.
ახალი კამპანია ზუსტად პარიზის კაცის მოდის კვირეულის წინ დაიწყო. კვირეულზე ფარელ უილიამსი თავის საკუთარ კოლექციას წარადგენს და ეს იქნება მისი პირველი ინიციატივა ლუი ვიტონის კაცის ხაზის კრეატიული დირექტორის რანგში.
არც რიანა და არც უილიამსი მოდის სცენისთვის უცხო არ არიან. გარდა დიდ ბრენდებთან მუშაობის გამოცდილებისა, მათ ორივეს ტანსაცმლის საკუთარი ბრენდები აქვთ: Savage x Fenty და Billionaire Boys Club.
ნახეთ ფარელ უილიამსისა და რიანას პოსტები
