9 ივლისს ჰოლივუდის ვარსკვლავები ფილმ Barbie-ს მსოფლიო პრემიერას დაესწრნენ. ფილმის რეჟისორი გრეტა გერვიგია, მთავარ როლში კი მარგო რობი (ბარბი) და რაიან გოსლინგი (კენი) არიან.
პრემიერას მსახიობების გარდა მუსიკოსებიც ესწრებოდნენ, რომლებმაც ფილმის საუნდტრეკების შექმნაში მონაწილეობა მიიღეს.
ფილმის საუნდტრეკებიდან რამდენიმე სიმღერა უკვე გამოვიდა, მათ შორის არის Charli XCX-ის Speed Drive, Karol G & Aldo Ranks-ის – სიმღერა Watati, PinkPantheress-ის Angel და Kaliii & Fifty Fifty-ის სიმღერა – Barbie Dreams. აღსანიშნავია, რომ დუა ლიპას სიმღერა Dance the Night ბილბორდის საუკეთესო ასეულში ოცდამეთერთმეტე ადგილზე მოხვდა, ხოლო ნიკი მინაჟის, Ice Spice & AQUA-ს სიმღერამ Barbie World ბილბორდის საუკეთესო ასეულში მეშვიდე ადგილი დაიკავა. ფილმ Barbie-ის საუნდტრეკები ასევე შექმნეს არტისტებმა: Lizzo, Tame Impala, Haim, Ava Max, Gayle, The Kid Laroi…
Barbie კინოთეატრებში 21 ივლისს გამოვა. ფილმის დებიუტამდე კი ნახეთ მუსიკოსების ფოტოები, რომლებიც ვარდისფერ ხალიჩაზე Barbie-ს პრემიერას დაესწრნენ.
დუა ლიპა
გრემის მფლობელი დუა ლიპა Barbie The Album-ის მთავარი სინგლის Dance the Night-ის შემსრულებელია, მომღერალი ვარდისფერ ხალიჩაზე Versace-ის კაბით წარსდგა. დუა ლიპა ფილმში ქალთევზა ბარბის განასახიერებს.
Karol G
Karol G ფილმ Barbie-ს მსოფლიო პრემიერაზე 60-იანი წლების სტილის დამახასიათებელი სამოსით აირჩია. იგი ალდო რანკსთან ერთად Barbie-ს საუნდტრეკ Watati-ს ასრულებს.
ბილი აილიში
ოსკარის მფლობელი ბილი აილიში Barbie-ს პრემიერაზე Ken-ს ასახიერებს. მისი ახალი საავტორო სიმღერა What Was I Made For ფილმის ერთ-ერთი საუნდტრეკია.
H.E.R
ოსკაროსანი H.E.R ძვირფას, ბრწყინავ მოკლე კაბაში Barbie-ს პრემიერაზე.
დოვ კამერონი
მომღერალი და მსახიობი დოვ კამერონი Barbie-ის პრემიერაზე ვარდისფერ და შავ ტონებში შეიმოსა.
მარკ რონსონი და გრეის გამერი
Barbie The Album-ის აღმასრულებელი პროდიუსერი მარკ რონსონი და მსახიობი გრეის გრამერი Barbie-ს მსოფლიო პრემიერაზე.
HAIM – ალანა ჰაიმი, დანიელ ჰაიმი, ესტე ჰაიმი
გრემის მიერ ნომინირებულ ალტერნატიული-როკ ტრიო HAIM ვარდისფერ ხალიჩაზე.
კევინ პარკერი
კევინ პარკერი Tame Impala -დან Barbie -ს მსოფლიო პრემიერას ღია ცისფერ ვერსაჩეს ტანისამოსში გამოწყობილი ესწრება. Barbie The Album-ში მისი ახალი საავტორო სიმღერა Journey to the Real World არის შესული.
კლაუდია სულევსკი და ფინეას ო’კონელი
ოსკაროსანი FINNEAS და მისი პარტნიორი კლაუდია სულევსკი ფილმ Barbie-ს პრემიერაზე ბარბის და კენის ინსპირაციით შექმნილ ტანისამოსში.
Ava Max
მომღერალი Ava Max ფილმ Barbie-ის მსოფლიო პრემიერაზე. ფილმში მისი ახალი საავტორო სიმღერა Choose Your Fighter-ია შესული.
FINNEAS და ბილი აილიში
გრემის მფლობელი და-ძმა ბარბის და კენის შთაგონებით შექმნილ ტანისამოსში
ნიკი მინაჟი
Barbie -ს მსოფლიო პრემიერაზე Barbie Diva-ს ინსპირაციით შექმნილ სამოსში.
