„მადამ ტუსოს“ მუზეუმი, მსოფლიო მასშტაბით მდებარე სხვადასხვა ფილიალში ჰარი სტაილსის შვიდ ახალ ფიგურას განათავსებს. ცვილის ფიგურები ვარსკვლავის ყველაზე ცნობილი კოსტიუმებით არიან წარმოდგენილი. ეს არის კოსტიუმები წითელი ხალიჩიდან და მუსიკალური შოუებიდან.
ჰარი სტაილსის ცვილის სკულპტურები ლონდონში, ნიუ იორკში, ჰოლივუდში, ამსტერდამში, ბერლინში, სინგაპურსა და სიდნეიში მდებარე ფილიალებში დაიდგმება. ლონდონში მდებარე მუზეუმისათვის განკუთვნილ ფიგურას აცვია კოსტიუმი, რომლითაც ვარსკვლავი ფილმის სახელწოდებით My Policeman პრემიერაზე გამოჩნდა. „მადამ ტუსოს“ ლონდონის მუზეუმი ფიგურას საჯაროდ 27 ივლისს წარადგენს.
ნიუ იორკის მუზეუმში კი ჰარის ტაილსის ფიგურაზე დამთვალიერებელი იხილავს ცნობილ კოსტიუმს, რომლითაც ვარსკვლავი 2022 წლის Coachella-ს ფესტივალზე სიმღერის – As It Was შესრულებისას გამოჩნდა.
„ჰარი ამჟამად მსოფლიოში ყველაზე დიდი ვარსკვლავია. მისი კონცერტები სავსეა აუდიტორიით, მსოფლიო მასშტაბით ყველაზე გაყიდვადი მუსიკალური ტურები აქვს და ასევე მოდის სამყაროს ერთ-ერთი ყველაზე გავლენიანი ფიგურაა. არავინ უარყოფს, რომ მან თანამედროვე პოპ კულტურაზე ნამდვილად დიდი კვალი დატოვა“ – აღნიშნავს „მადამ ტუსოს“ მუზეუმის გლობალური ბრენდის ხელმძღვანელი ანჯელა ჯობსონი. „როდესაც მუზეუმისათვის შესაძლებლობა გაჩნდა, ვარსკვლავის ცვილის ფიგურა დაუყოვნებლივ დავამატეთ ჩვენს კოლექციაში. მოუთმენლად ველით, თუ როდის ნახავენ ფანები მის სკულპტურას ჩვენს შვიდ ფილიალში.“
ნახეთ ჰარი სტაილსის ცვილის ფიგურები:
