დრეიკმა ინსტაგრამზე თავისი ისტორიული შენაძენი გააზიარა: თუფაქ შაკურის ოქროს, ლალისა და ბრილიანტისგან შექმნილი გვირგვინის ფორმის ბეჭედი.
რეპერმა ფოტო გამოაქვეყნა, სადაც ბეჭედი საჩვენებელ თითზე უკეთია და სრულად ჩანს მისი ბრწყინვალება.
ბეჭედი, რომელიც თუფაქს ბოლო საჯარო გამოსვლისას – 1996 წლის MTV-ის მუსიკალურ დაჯილდოებაზე ეკეთა, სოთბის აუქციონზე რეპერის ნათლიამ იასმინ ფულამ გამოიტანა. ბეჭედზე ამოტვიფრულია წარწერა Pac & Dada 1996, რაც თუფაქისა და კიდადა ჯონსის ნიშნობას ეძღვნება. როგორც სოთბიმ დაადასტურა, ბეჭედი დრეიკმა მილიონ დოლარად შეიძინა.
ED JONES/AFP via Getty Images
მიმდინარე წელი დრეიკისთვის საკმაოდ წარმატებულია. 2018 წლის შემდეგ წელს ის პირველად გაემართა ტურნეში 21 Savage-სთან ერთად. ბოლო ტურნეს შემდეგ დრეიკმა რამდენიმე ალბომიც გამოსცა, მათ შორისაა ასევე 21 Savage-სთან ერთად გამოშვებული Her Loss. ალბომი ბილბორდის 200 ალბომის ლიდერი გახდა.
