ნენსი სინატრა ამბობს, რომ კონცერტებისთვის უკვე ძალიან დაბერდა და ახლა მის მუსიკას მისი ქალიშვილები აცოცხლებენ

გთავაზობთ ბილბორდის ინტერვიუს ლეგენდარულ მომღერალთან.
ნენსი სინატრა
RON JOY/BOOTS ENTERPRISES INC

„როცა გავიგე, რომ Billboard-იდან უნდა დაგერეკათ, ის დრო გამახსენდა, როცა პირველად მოვხვდი ჩარტებში,” – უთხრა ნენსი სინატრამ Billboard-ს სატელეფონო საუბრისას. „მგონი, 89-ე ადგილზე ვიყავი.”

83 წლის პოპ ლეგენდის პირველი Billboard Hot 100-ის ჰიტი So Long Babe იყო, რომელიც 86-ე ადგილზე გავიდა. მიუხედავად იმისა, რომ მუსიკას თავი დაანება,  სიამოვნების იხსენებს თავის ხანგრძლივ კარიერას, მით უმეტეს, რომ სულ ახლახან გამოვიდა მისი შემოქმედების კრებული დისკისა და ვინილის სახით   თან როცა გამოვიდა მისი შემოქმედების ნაკრები დისკისა და ვინილის სახით Keep Walkin’: Singles, Demos & Rarities 1965-1978.

ნენსი სინატრა Billboard-თან ინტერვიუში მის შემოქმედებაზე საუბრობს: 

Როცა მუსიკის გამოშვება დაიწყეთ, თქვენ გქონდათ სინგლების სერია, რომლებიც ჩარტებში ვერ ხვდებოდნენ. საბოლოოდ კი ლი ჰაზელვუდთან მუშაობამ მოგიტანათ კარიერის განმსაზღვრელი ჰიტი These Boots Are Made for Walkin. მასთან მუშაობა სხვანაირი იყო?

ძალიან. უზომოდ ვნერვიულობდი. ვიცოდი, რომ ლეიბლი ჩემთან თანამშრომლობას შეწყვეტდა, თუ რაიმე ისეთ მნიშვნელოვანს არ გავაკეთებდი, რომ ჩარტებში მოვხვედრილიყავი. ეს ნამდვილი ნერვების წყვეტა იყო.

მასთან მუშაობის შემდეგ დამშვიდება შეძელით?

უკეთ ვგრძნობდი თავს. ის ფაქტი, რომ ჩვენ უკვე გვქონდა ჩარტის სიმღერა, იყო ბიძგი იმისა, რომ მუშაობა გაგვეგრძელებინა. ამან მომცა თავდაჯერება, რომ სწორი მიმართულებით მივდიოდი. 

Light In the Attic-მა თქვენი ნამუშევრები ახლიდან გამოსცა. ვფიქრობ, ამ კავშირის უკან თქვენი ქალიშვილი იდგა. 

საოცარია, როგორ დამეხმარნენ ჩემი შვილები. ჩემს ამ რეინკარნაციების უკან ჩემი ორივე ქალიშვილი დგას. მუდამ ვახერხებ ფეხზე წამოდგომას და ეს ეიჯეის და ამანდას შეუპოვრობის დამსახურებაა. ძალიან გამიმართლა. 

თქვენს სიმღერებზე ყოველდღიურ ცხოვრებაში ბევრს ფიქრობთ?

არა, მაგრამ მუდმივად ტვიტერზე ვარ, რომ ხალხთან კონტაქტი მქონდეს და სწორედ ისინი მახსენებენ ამ სიმღერებს. მაგრამ სასაცილო ისაა, რომ მათ ჩემი შემოქმედების ნახევარიც არ იციან. უამრავი სიმღერაა, რომლებიც არასდროს მოუსმენიათ. იმედი მაქვს, თუ ჩვენი პირველი პროექტები წარმატებული იქნება, ჩემს კატალოგსაც ჩაუღრმავდებიან, რადგან იმდენი სიმღერაა, რომელიც ხალხმა უნდა მოისმინოს. ახლა ალბომისა და წიგნის გამოცემით, თავს ისე ვგრძნობ, თითქოს, ახლიდან დავიბადე. წიგნს ჰქვია One for Your Dreams – არის ფრაზა სიმღერიდან You Only Live Twice. 

რახან ჯეიმს ბონდის მუსიკალური თემა ახსენეთ, გკითხავთ, მიჰყვებით ფილმის სერიებს?

დენიელ კრეიგი მიყვარს. ვგიჟდები მასზე. ძალიან კარგი ჯეიმს ბონდია. ბოლო სერიაში მართლა მოკვდა?

No Time to Die-ში? არ მგონია.

ღმერთო ჩემო, ააფეთქეს!

კი, მაგრამ მას ყველაფრიდან შეუძლია თავის დაღწევა.

იმედი მაქვს. 

სიმღერა ან მსახიობობა გენატრებათ?

ჩემი ცხოვრების ყოველ დღეს. მართალია, როცა ამბობენ, რომ ეს შენს სისხლშია. 

ოდესმე დაუბრუნდებით?

არა, ახლა ძალიან ბებერი ვარ. ვეღარ შევძლებ ტურნეს გამართვას. ვფიქრობ, კაცებს შეუძლიათ ეს, მაგრამ არ ვიცი ჩემი ასაკის ქალი, ვინც ტურნეს მართავს. თქვენ იცით? დოლი პარტონი ჩემზე ბევრად ახალგაზრდაა და ის კიდევ ატარებს. 

ფილმებშიც იღებდით მონაწილეობას, მაგრამ კინოინდუსტრიაში არ დარჩით. მსახიობობა ნაკლებად მოგწონდათ, ვიდრე მომღერლობა?

ძალიან ცუდი მსახიობი ვიყავი. ეს არასდროს მიტაცებდა. ვითამაშე იმ ფილმებში, რომლებსაც ჩემს ეპიკურ ფილმებს ვეძახი და გავჩერდი. 

საყვარელი სიმღერა თუ გაქვთ თქვენს სიმღერებს შორის?

მომწონს 100 Years, ლი ჰაზელვუდის სიმღერა. მომწონს ასევე Cuando Calienta el Sol. Bang Bang (My Baby Shot Me Down) ასევე ერთ-ერთი მათგანია.

ამ სიმღერამ მეორე სიცოცხლე შეიძინა Kill Bill-ის დამსახურებით.

ასე არ არის? სწორედ ამას ვამბობ. ჩემგან დამოუკიდებლად, სულ უკან ვბრუნდები. ზუსტად მაშინ, როცა ვიფიქრე, რომ წავედი, მათ უკან დამაბრუნეს. 

Share
Tweet
Share
Share
Share

წინა სტატია

Okean Elzy-ის კონცერტი თბილისში

შემდეგი სტატია

Billboard Georgia Stage -4D MONSTER LOBSTERS

შეიძლება დაგაინტერესოთ

ტატო კოტეტიშვილის მხატვრული ფილმი „წმინდა ელექტროენერგია“

ტატო კოტეტიშვილის მხატვრული ფილმი „წმინდა ელექტროენერგია“ ლოკარნოს საერთაშორისო კინოფესტივალზე

ფილმის მსოფლიო პრემიერა ლოკარნოს საერთაშორისო კინოფესტივალის საკონკურსო სექციაში “აწმყოს რეჟისორები“ (Concorso Cineasti del Presente) შედგება.
მეტი

მუსიკოსები და სხვა ცნობილი ადამიანები ტრამპის მკვლელობის მცდელობას სოციალურ ქსელებში ეხმიანებიან

ნასროლი ტყვია ტრამპს სიტყვის გამოსვლისას ყურთან მოხვდა, რის შემდეგაც იგი დაცვამ სცენიდან დაუყოვნებლივ გაიყვანა.
მეტი