ელვის პრესლი Billboard-ის ჩარტებში დაბრუნდა. მისი 1957 წლის საშობაო სიმღერა, სახელწოდებით Blue Christmas Billboard Hot 100-ის ჩარტის ტოპ 20 სიმღერაშია. 3 იანვარს განახლებული მონაცემებით, კომპოზიცია მე-18 ადგილს იკავებს. ჩარტის ტოპ ოცეულში ელვის პრესლი 1977 წლის შემდეგ პირველად მოხვდა. 1977 წელს მისი სიმღერა Way Down ასევე მე-18 ადგილს იკავებდა. როკ-ენ-როლის მეფედ აღიარებული მომღერალი სწორედ ამ წელს, 16 აგვისტოს 42 წლის ასაკში გარდაიცვალა.
უახლესი მონაცემებით, ელვის პრესლი Billboard Hot 100-ის ჩარტის ტოპ 20 კომპოზიციაში ორმოცდამეცხრედ მოხვდა. აღსანიშნავია, რომ Hot 100-ის ყველა დროის ლიდერი არტისტია Drake, რომელიც ოცეულში 133-ჯერ მოხვდა. მეორე ადგილზე კი ტეილორ სვიფტია, რომელიც თავისი სიმღერებით ოცეულში 85-ჯერ დაწინაურდა.
რაც შეეხება ელვის პრესლის Blue Christmas-ს, სიმღერა ბილი ჰეისის და ჯეი ჯონსონის დაწერილია.
