Prince-ის Purple Rain-ის მიხედვით სპექტაკლი დაიდგმება

წარმოდგენაში Prince-ის ოსკაროსანი სიმღერა – Purple Rain გაჟღერდება.
ფოტო: პოლ ნატკინი

დაახლოებით 40 წელი გავიდა მას შემდეგ, რაც ფილმი Purple Rain გამოვიდა და Prince-მა სურათის საუნდტრეკების ალბომი გამოსცა. ახლა კი ამ მუსიკალური ისტორიის მიხედვით სასცენო ადაპტაცია დაიდგმება. როგორც The Hollywood Reporter იუწყება, ამჟამად პროექტი განვითარების ეტაპზეა. წარმოდგენაში Prince-ის ოსკაროსანი სიმღერა – Purple Rain გაჟღერდება. სპექტაკლი „პულიცერის პრემიის” ფინალისტი ავტორის, ბრენდენ ჯეიკობს-ჯენკინსის წიგნის მიხედვით დაიდგმება, რომელიც თავის მხრივ Purple Rain-ის ორიგინალურ სცენარზე იქნება დაფუძნებული. 

Purple Rain-ის კინოვერსიის პრემიერა 1984 წელს შედგა. ფილმში თავად Prince მონაწილეობს, რომელიც როკ მუსიკოსის როლს ასრულებს. ფილმის გლობალური კინოგაქირავებიდან მიღებულმა შემოსავალმა 70 მილიონი დოლარი შეადგინა. 1985 წელს კი Purple Rain-ს საუკეთესო ორიგინალური საუნდტრეკისათვის ოსკარი გადაეცა. 

ფილმის თემატური სიმღერა, რომელიც ამავე სათაურით გამოიცა, მუსიკალურ ბლოკბასტერად იქცა. კომპოზიცია Billboard-ის ჩარტებში მრავალი კვირის განმავლობაში ლიდერობდა. 

„ჩვენ გვსურს Prince-ს და Purple Rain-ის მემკვიდრეობას ამ სპექტაკლით კიდევ უფრო მეტი და შესაფერისი პატივი მივაგოთ” – აღნიშნეს The NorthStar Group-ის თავმჯდომარემ, ელ ლონდელ მაკმილანმა და Primary Wave Music-ის აღმასრულებელმა ხელმძღვანელმა, ლარი მესტელმა. „მადლიერი ვართ Broadway-დან ჩვენი პარტნიორების, რომლებმაც ამ ისტორიას თეატრალური სახე შესძინეს. მოუთმენლად ველით მომენტს, როცა ახალი თაობა მას აღმოაჩენს, ალბომის მოყვარულები კი, კიდევ ერთხელ გამოცდიან მის [Purple Rain-ის] ძალას.”

Share
Tweet
Share
Share
Share

წინა სტატია

21 Savage კადრი ფილმიდან American dream: the 21 Savage story

21 Savage მესამე სოლო ალბომს American Dream-ს აანონსებს

შემდეგი სტატია

ემილი რობერტსი, ლიზი მალენდი, ჯორჯია დევისი, აბიგაილ მორისი და აურორა ნისშევი The Last Dinner Party-ის გადაღებები, ლონდონი, 2023 წლის 30 აგვისტო. ფოტო: ნიკოლ ნოდლენდი

BBC Sound 2024 წლის გამოკითხვაში ჯგუფმა The Last Dinner Party-იმ  გაიმარჯვა

შეიძლება დაგაინტერესოთ

Aine Merme

Aine Merme-ს მუსიკალური საღამო

„ახალი EP სულ ოთხი სიმღერისგან შედგება რომელიც მუსიკის ჩემეულ აღქმას ასახვას და ინსტრუმენტული მუსიკის შესაძლებლობებს სხვადასხვა ეპოქის ჟანრების მიჯნაზე იკვლევს.“
მეტი
Nanka Gvari - 202

ნანკა გვარის ახალი სიმღერა  – 202

„ყოველთვის მინდოდა ჩემს სიმღერაში გამომეყენებინა ქართული ინსტრუმენტი ან ქართულ ნარატივზე ყოფილიყო. ჩემი აზრით ეს ამ სიმღერით მოვახერხე.“
მეტი