ისრაელი-ჰამასის ომის დაწყების შემდეგ დუა ლიპა აქტიურად გამოხატავს თავის პოლიტიკურ შეხედულებას. Rolling Stone-ის ახალ სტატიაში კი მომღერალი კიდევ უფრო ვრცლად საუბრობს თავის პოზიციაზე.
„ჩემი არსებობაც, ასე ვთქვათ, პოლიტიკურია. მე ლონდონში აღმოვჩნდი, რადგან ჩემი მშობლები ასევე ომს გამოექცნენ,” – ჰყვება მომღერალი ალბანელ მშობლებზე. „მე მესმის იმ ადამიანების, რომელთაც სახლის დატოვება უწევთ. ჩემი კოსოვოში ყოფნისა და ომის ნახვის გამოცდილებით, თავისი სახლის დატოვება არავის უნდა. ამას ისინი თავდაცვისთვის აკეთებენ, რომ ოჯახი დაიცვან და გარშემო ადამიანებს გაუფრთხილდნენ. ასე რომ, ახლოს ვარ და მესმის მათი. Ჩემი გრძნობები ლტოლვილი ადამიანების მიმართ ძალიან ნამდვილია და ამაზე საუბარი რთულია, რადგან აზრთა სხვადასხვაობას იწვევს.”
ისრაელი-პალესტინის კონფლიქტი 7 ოქტომბრის ტერორისტული აქტის შემდეგ დაიძაბა, როცა ჰამასი ისრაელის მუსიკალურ ფესტივალს დაესხა თავს. იმავე თვეს დუა ლიპა სხვა ვარსკვლავებს შეუერთდა, რომლებიც ღია წერილით მიმართავდნენ პრეზიდენტ ჯო ბაიდენს, ღაზაში ცეცხლის შეწყვეტისკენ მოეწოდებინა. „ამ მომენტში რასაც უნდა შევხედოთ, არის ის, თუ რამდენი სიცოცხლე განადგურდა ღაზაში: უდანაშაულო სამოქალაქო პირები და სიცოცხლეები, რომლებიც უბრალოდ დაიკარგა. უბრალოდ არ არსებობენ საკმარისი მსოფლიო ლიდერები, რომლებიც დაიკავებენ ტრიბუნას და მოჰყვებიან იმ ჰუმანიტარულ კრიზისზე, რაც ხდება და ჰუმანიტარულ ცეცხლის შეწყვეტაზე, რაც აუცილებლად უნდა მოხდეს,” – უთხრა დუა ლიპამ Rolling Stone-ს
