გვენ სტეფანის თქმით 2024 წელს No Doubt ბრუნდება

გვენ სტეფანის თქმით Coachella-ს ფესტივალზე მონაწილეობა მათთვის ძალიან ამაღელვებელია
No Doubt - ფოტო: ტიმ რონი
No Doubt – ფოტო: ტიმ რონი

გვენ სტეფანი 40 წლის განმავლობაში  ჯგუფ No Doubt-ის ვოკალისტი იყო. 2013 წელს ბენდმა მუსიკალური პაუზა აიღო, გასულ კვირას გავრცელებული ინფორმაციით კი Coachella-ს ფესტივალისთვის ბენდი კვლავ ერთიანდება. 

„ყველაფერი ისე სწრაფად მოხდა, ნამდვილად არ გვაქვს გააზრებული შემდეგი ნაბიჯები, რას ვაპირებთ და როგორ, თუმცა ყველანი ძალიან აღელვებულნი ვართ. მხოლოდ ინტერნეტ სივრცეში ამტყდარი ვნებათაღელვა რად ღირს, ეს ყველაფერი ჩვენ შთაგონებას გვაძლევს.“  უთხრა ჟურნალ People-ს გვენ სტეფანიმ.

ჯგუფმა ბოლო ალბომი სახელწოდებით  Push and Shove 2012 წელს  გამოსცა. 2015 წელს რამდენიმე შოუზე გამოჩნდნენ, შემდეგ კი სოლო პროექტებზე ფოკუსირდნენ. 

გვენ სტეფანი მუსიკალური მეგა შოუს The Voice-ის მწვრთნელია, ჟურნალ People-თან საუბარში მან აღნიშნა, რომ ჯგუფის დაბრუნებასთან დაკავშირებით, თაყვანისმცემლების მხრიდან ასეთი გამოხმაურება მისთვის ძალიან ამაღელვებელია: „ისეთი განცდა მაქვს, თითქოს პეპლები დაფრინავენ მუცელში, ეს სრულიად გასაოცარი რამ იქნება.“ – ამბობს გვენ სტეფანი.

ჯერჯერობით No Doubt-ს არ დაუზუსტებია მხოლოდ Coachella-ს ფესტივალზე წარდგება  ბენდი თუ სამომავლოდ ტურნეშიც წავლენ. ჯგუფის სოციალურ პლატფორმებზე კი Coachella-ს ფესტივალის თარიღია დაანონსებული: „აპრილში შევხვდებით უდაბნოში!!!” – ნათქვამია განცხადებაში.

Share
Tweet
Share
Share
Share

წინა სტატია

ჯიმი ჰენდრიქსის მუსიკაზე საავტორო უფლებების საქმე სასამართლო პროცესზე განიხილება 

შემდეგი სტატია

„ჩვენ სიყვარული გადაგვარჩენს” –  ნინო ქათამაძის შემოქმედებითი გზა 

შეიძლება დაგაინტერესოთ

კამალა ჰარისი კამპანიის ფარგლებში თავისი გუნდის წინაშე ბიონსეს Freedom-ის ფონზე წარდგა

ჰარისმა გუნდს მას შემდეგ მიმართა, რაც ჯო ბაიდენმა 2024 წლის საპრეზიდენტო არჩევნებში დემოკრატების კანდიდატად მხარი მას დაუჭირა.
მეტი

მუსიკოსები და სხვა ცნობილი ადამიანები ჯო ბაიდენის მიერ საპრეზიდენტო არჩევნებში კანდიდატურის მოხსნას ეხმიანებიან

„ჯო ბაიდენი ისტორიაში შევა, როგორც ადამიანი, რომელმაც თავისი საპრეზიდენტო ვადის ბოლო ეტაპზეც მნიშვნელოვან წარმატებას მიაღწია,” - განაცხადა ბაიდენის მხარდამჭერმა ბარბრა სტრეიზანდმა.
მეტი