ამერიკის კინოაკადემიის 2024 წლის დაჯილდოების ცერემონია 10 მარტს გაიმართება, სადაც ხუთივე ნომინანტი სიმღერა სცენიდან შესრულდება. ბილი აილიში და Finneas შეასრულებენ სიმღერას What Was I Made For? კინოფილმიდან Barbie. Ამ სიმღერის გამარჯვების მოლოდინი საკმაოდ დიდია. წელს მუსიკოსი და-ძმა, ბილი აილიში და Finneas, ოსკარის დაჯილდოებაზე ბოლო ხუთი წლის განმავლობაში მესამედ წარდგებიან. პირველად ეს 2020 წელს მოხდა და მათ Beatles-ის ლეგენდარული Yesterday შეასრულეს, მეორედ კი, 2022 წელს, ერთ-ერთი ნომინანტი სიმღერა, No Time to Die შეასრულეს, რომელმაც საბოლოოდ გაიმარჯვა კიდეც.
Becky G შეასრულებს სიმღერას The Fire Inside, რომელიც ფილმში Flamin’ Hot არის გამოყენებული. ის იყო ცნობილ ანიმაციურ ფილმ Encanto-ში შესული სიმღერის, We Don’t Talk About Bruno, ერთ-ერთი შემსრულებელი. ამ ვერსიამ ოსკარზე ორი წლის წინ გაიჟღერა, მიუხედავად იმისა, რომ არც ერთ ნომინაციაზე არ იყო წარდგენილი. წელს ეს მუსიკოსისთვის, როგორც სოლო შემსრულებლისთვის, ოსკარზე სადებიუტო გამოსვლა ექნება და მას სიმღერის ავტორი დაიან უორენი შეუერთდება.
ფილმ Barbie-ის საუნდტრეკისთვის I’m Just Ken წლევანდელ ცერემონიაზე რაიან გოლსინგს მარკ რონსონი შეუერთდება. რონსონმა სიმღერა ენდრიუ უაიტთან ერთად დაწერა. ამ დუეტმა ხუთი წლის წინ ფილმ A Star Is Born-თვის შესრულებული სიმღერით Shallow გაიმარჯვა, რომელიც ბრედლი კუპერმა და ლედი გაგამ შეასრულეს.
ოსკარის ცერემონიაზე ფილმ Barbie-ის საუნდტრეკისთვის I’m Just Ken რაიან გოლსინგს მარკ რონსონი შეუერთდება. მარკ რონსონმა სიმღერა ენდრიუ უაიტთან ერთად დაწერა, ამ დუეტმა კი ხუთი წლის წინ ფილმ A Star Is Born-თვის სიმღერით Shallow გაიმარჯვეს, რომელიც მაშინ ბრედლი კუპერმა და ლედი გაგამ შეასრულეს.
ფილმ American Symphony-ის საუნდტრეკს It Never Went Away ჯონ ბატისტი შეასრულებს. სიმღერა დენ უილსონთან თანაავტორობით შექმნა.
სკოტ ჯორჯი და ოსაჟ სინგერი ფილმ Killers of the Flower Moon-ის სიმღერას Wahzhazhe-ს იმღერებენ, რომლის ავტორიც თავად სკოტ ჯორჯია.
ოსკარის დაჯილდოების რიგით 96-ე ცერემონია ABC-ის პირდაპირ ეთერში მსოფლიოს მასშტაბით გადაიცემა. ღონისძიება კვირას, 10 მარტს დაიწყება და მას ჯიმი კიმელი წაიყვანს. ჩვეულებისამებრ, ოსკარის დაჯილდოება Dolby-ის თეატრში გაიმართება.
