ნიკ ქეივი ახალ სტუდიურ ალბომს უშვებს

„მალე დინამიკებში ახალი ალბომი გაჟღერდება და მე ამით აღფრთოვანებული ვარ.“ – წერს ნიკ ქეივი
ნიკ ქეივი ფოტო: იან ალენი
ნიკ ქეივი ფოტო: იან ალენი

ნიქ ქეივი წლის ბოლოს ახალ, რიგით მეთვრამეტე სტუდიურ ალბომს გამოუშვებს, რომლის სახელწოდებაა Wild God.

ალბომი 2019 წელს გამოცემული Ghosteen-ის ერთგვარი გაგრძელებაა და ის ნიქ ქეივის მწუხარებისა და სევდის გამოძახილია: მუსიკოსს 2015 წელს მოულოდნელად ვაჟი გარდაეცვალა.

ქეივის წინა ნამუშევარი ავსტრალიისა და ინგლისის ჩარტების საუკეთესო ათეულში მოხვდა და ბილბორდ 200-ში 108-ე ადგილი დაიკავა. 

ალბომი 30 აგვისტოს ნიკ ქეივის ლეიბლის, Bad Seed-ის მეშვეობითა და Play It Again Sam-ის ახალი ექსკლუზიური სალიცენზიო ხელშეკრულებით  გამოვა.

„ახალი ალბომი საოცრებაა. ჩემი აზრით ეს მისი ნამუშევრებიდან საუკეთესოა, რომელიც ყველა დაბრკოლებას გადალახავს და გლობალურ წარმატებას დაიმსახურებს“, – წერს კენი გეითსი, PIAS-ის თანადამფუძნებელი და აღმასრულებელი დირექტორი.

ARIA-ს დიდების დარბაზში შეყვანილი ნიქ ქეივის ჯგუფ  Bad Seeds-ის ამჟამინდელ შემადგენლობაში ასევე არიან თომას უაიდლერი, მარტინ კეისი, ჯიმ სკლავუნოსი, ჯორჯ ვიესტიკა  და ნიქ ქეივის დიდი ხნის მეგობარი და თანამშრომელი უორენ ელისი, რომელიც ქეივთან ერთად  ახალი ალბომის პროდიუსერიც გახლავთ.

ნიქ ქეივმა დევიდ ფრიდმენთან  ერთად ალბომზე 2023 წლის საახალწლო პერიოდში დაიწყო მუშაობა, რის შესახებაც საკუთარ ბლოგ The Red Hand Files-ზე გაავრცელა ინფორმაცია. „ამ წელს ჩემი გეგმა Bad Seeds-თან ერთად ახალი ჩანაწერების გაკეთებაა.“ – წერდა ნიკ ქეივი.

მომავალ LP-ში ათი სიმღერა შევა და ის საფრანგეთის Miraval-ისა და ინგლისის Soundtree-ის სტუდიებში,  Radiohead-ის ბასისტ კოლინ გრინვუდისა და გიტარისტ ლუის ალმაუს თანხლებით  ჩაიწერა.

კოლინ გრინვუდი ნიქ ქეივის ავსტრალიის სოლო ტურნეზეც წარდგება, რომელიც  25 აპრილს დაიწყება.

„იმედი მაქვს, ეს ალბომი ისევე მოახდენს გავლენას მსმენელზე, როგორც ჩემზე. ეს საკმაოდ რთული ჩანაწერია, ღრმა და ამავდროულად მხიარული. ჩანაწერზე მუშაობისას წინასწარი გეგმა არასდროს გვაქვს. ეს ჩანაწერი როგორც მწერლის, ასევე მუსიკოსის ემოციურ მდგომარეობას ასახავს.“ – ამბობს ნიკ ქეივი.

ნახეთ ახალი ალბომის Wild God-ის  სიმღერების სია:

1. Song of the Lake

2. Wild God

3. Frogs

4. Joy

5. Final Rescue Attempt

6. Conversion

7. Cinnamon Horses

8. Long Dark Night

9. O Wow O Wow (How Wonderful She Is)

10. As the Waters Cover the Sea

Share
Tweet
Share
Share
Share

წინა სტატია

ბრაიან ფერი თავისი კატალოგის წილს Iconic Artists Group-ს მიჰყიდის

შემდეგი სტატია

ჯონ რიჩმონდი ფოტო: ფილიპო მოსკატი

დიზაინერი ჯონ რიჩმონდი პანკური მოდისა და იმის შესახებ, თუ როგორ შეცვალა ის პატი სმიტმა

შეიძლება დაგაინტერესოთ

Starring Georgia-ს ფარგლებში Massive Attack-ის კონცერტი გაიმართება

პირველად საქართველოში მსმენელს შესაძლებლობა ექნება, მოუსმინოს ჯგუფის ისეთი კომპოზიციების განახლებულ ვერსიებს, როგორიც არის Teardrop, Unfinished Sympathy და Paradise Circus.
მეტი
არიელ დევისის ილუსტრაცია

„ხელოვნური ინტელექტი და მუსიკალური ინდუსტრია. მუზების შერკინება”

ავტორი: Სერგი გვარჯალაძე  Ჩვენ ვცხოვრობთ ეპოქაში, სადაც ტექნოლოგიები  ცხოვრების ყველა ასპექტზე მოახდენს გავლენას. მუსიკალური ინდუსტრია კი ერთ-ერთი სფეროა,…
მეტი

Billboard-ის მუსიკალურ ჩარტში პირველი ადგილის დაკავების შემდეგ, ჰოზიერი მსმენელებს მადლობას უხდის

სიმღერის Too Sweet პირველ ადგილზე მოხვედრა მუსიკოსისთვის სიმღერების ჩარტში პირველი ლიდერი პოზიციაა.
მეტი