Bon Jovi-ის მუსიკალური ვიდეო YouTube-ზე მილიარდ ნახვას აგროვებს

Always ბენდის მესამე მუსიკალური ვიდეოა რომელიც „მილიარდიან კლუბს“ შეუერთდა
Bon Jovi - ფოტო: ნორმან ჯინ როი
Bon Jovi – ფოტო: ნორმან ჯინ როი

1994 წლის Bon Jovi-ის ჰიტ სიმღერამ Always პლატფორმა Youtube-ზე მილიარდი ნახვა დააგროვა. 2000 წლის სიმღერა  It’s My Life-ისა და 1986 წელს გამოცემული Livin’ On a Prayer-ის შემდეგ ეს ბენდის მესამე მუსიკალური კლიპია, რომლის ნახვებმაც მილიარდს გადააჭარბა.

სიმღერა Always Bon Jovi-ის 1994 წელს გამოცემულ ალბომში, Cross Road-ში შედის. სიმღერა ბილბორდის საუკეთესო 100-ში მეოთხე ადგილზე მოხვდა და ბენდის საუკეთესო ათ სიმღერას შორის დასახელდა. Always ბოლო სიმღერაა, რომელშიც ბას-გიტარისტმა ალეკ ჯონ სოუსმა მიიღო მონაწილეობა, რადგან 1994 წელს მან ბენდი დატოვა.

ალბომი Cross Road ბილბორდ 200-ის ალბომის ჩარტებში მერვე ადგილს 57 კვირის განმავლობაში იკავებდა. Cross Road-ში ასევე შედის ისეთი ჰიტები, როგორიცაა Livin’ On a Prayer, Wanted Dead or Alive, You Give Love a Bad Name და I’ll Be There For You.

რაც შეეხება Bon Jovi-ის სიახლეებს, ახლო მომავალში Hulu-ზე მათი ოთხნაწილიანი დოკუმენტური სერიალი გამოვა სახელწოდებით Thank You, Goodnight: The Bon Jovi Story. სერიალი ბენდის კარიერაზე მოგვითხრობს და მასში მაყურებელი ჯონ ბონ ჯოვის პირადი ვიდეოების ნახვასა და გამოუქვეყნებელი სიმღერების დემო ვერსიების მოსმენას შეძლებს.

ნახეთ მუსიკალური ვიდეო სიმღერაზე Always

Share
Tweet
Share
Share
Share

წინა სტატია

კანის ორკესტრმა ქართველი მუსიკოსის, ანანო სიხარულიძის ნაწარმოები შეასრულა

შემდეგი სტატია

ნახეთ არიანა გრანდეს We Can’t Be Friends-ის ვიდეოკლიპის გადაღების პროცესი

შეიძლება დაგაინტერესოთ

მუსიკოსები და სხვა ცნობილი ადამიანები ტრამპის მკვლელობის მცდელობას სოციალურ ქსელებში ეხმიანებიან

ნასროლი ტყვია ტრამპს სიტყვის გამოსვლისას ყურთან მოხვდა, რის შემდეგაც იგი დაცვამ სცენიდან დაუყოვნებლივ გაიყვანა.
მეტი