აფხაზური სიმღერა „შიშ-ნანი“ – თეონა ცირამუა

„შიშ-ნანი“ აფხაზური სიმღერაა და მუჰაჯირობის მძიმე პერიოდის ეპიზოდს გვიყვება.  ლეგენდის მიხედვით, როდესაც ტყვეები ნავით გადაჰყავდათ, დედას შვილი სიცივეში გაეყინა.  ნავზე ზედმეტი ,,ტვირთი” არავის სჭირდებოდა და გარდაცვლილებს წყალში ყრიდნენ. შვილის შესანარჩუნებლად დედა გაყინულ ბავშვს ისე უმღეროდა, როგორც ცოცხალს. სწორედ ეს ისტორია გახდა თეონა ცირამუასთვის ბიძგი, რომ ეს სიმღერა გორის ქალთა გუნდს შეესრულებინა. 

თეონა ცირამუა გვიყვება სიმღერა „შიშ-ნანის“ ისტორიას.

„გუნდს მოვუყევი სიმღერის შინაარსი, მერე პარტიტურა გავარჩიეთ და  ისეთი მუხტი დატრიალდა სარეპეტიციოში, ხან ერთი ტიროდა, ხან მეორე და ხან მესამე… არ მავიწყდება ის რეპეტიცია…“

სიმღერის მუსიკის ავტორი ივან ლაკრბა გახლავთ, ტექსტის კი ბაგრატ შინკუბა.

მოისმინეთ სიმღერა „შიშ-ნანი“ გორის ქალთა გუნდის და თეონა ცირამუას შესრულებით.