მაკ მილერის ტრაგიკული გარდაცვალებიდან ექვსი წლის შემდეგ მუსიკოსის ნამუშევარი The Quest ონლაინ სტრიმინგ პლატფორმებზე გავრცელდა. ტრეკის მოსმენის საშუალება არტისტის ფანებს ჯერ კიდევ გასულ წელს ჰქონდათ, როცა მილერის მეორე სტუდიური ალბომის, Watching Movies With the Sound Off, ათი წლის იუბილესთან დაკავშირებით სპეციალური ვინილი გამოვიდა. The Quest-ში გამოყენებულია ტრეკი Phone Call, რომლის ავტორია ჯონ ბრიონი – მუსიკოსი, რომელთანაც მაკ მილერი ხშირად თანამშრომლობა.
„მე მასთან [მაკ მილერთან] თბილი მოგონებები მაკავშირებს. ის ხშირად ახსენებდა, როგორ უყვარდა ფილმ „ნათელი გონების მარადიული ბრწყინვალების” (Eternal Sunshine of the Spotless Mind) მუსიკა.” – ახსენა ბრიონმა გამოცემა Vulture-თან 2020 წლის ინტერვიუში.
The Quest-ის გავრცელების პარალელურად, მსმენელისათვის კვლავ საინტერესოა მაკ მილერის ბოლო პროექტი – კოლაბორაციული ალბომო არტისტ Madlib-თან. ამერიკელმა DJ-მ გასულ წელს გაამხილა, რომ მაკ მილერის ალბომზე მუშაობას ასრულებდა.
მოუსმინეთ ტრეკს სახელწოდებით The Quest:
