29 მარტს ბიონსემ რიგით მერვე სტუდიური ალბომი გამოსცა.
გრემის გამარჯვებულმა მუსიკოსმა სინგლები 16 Carriages და Texas Hold ‘Em ახალი ალბომის გამოსვლამდე გამოაქვეყნა, რასაც ბილბორდის საუკეთესო 100-ში ლიდერობა მოჰყვა. მიუხედავად იმისა, რომ ტრეკები უდაოდ ქანთრი მუსიკის ჟანრშია, ბიონსე მაინც არ კარგავს მხოლოდ მისთვის დამახასიათებელ სტილს. „ეს არ არის ქანთრი ალბომი, ეს ბიონსეს ალბომია“ – ამბობს მუსიკოსი.
ალბომი სავსეა ვარსკვლავ შემსრულებლებთან თანამშრომლობით შესრულებული სიმღერებით. მათ შორის არიან: მაილი საირუსი, პოსტ მელოუნი, დოლი პარტონი, უილი ნელსონი, ლინდა მარტელი, ტანერ ადელი, უილი ჯონსი, რაფაელ საადიკი, The-Dream და Shaboozey. საერთო ჯამში ალბომი საკმაოდ მრავალფეროვანია ის ქანთრის, ფანკის, ჰიპ-ჰოპისა და როკის ნაზავს წარმოადგენს.
Cowboy Carter ბიონსეს სამმოქმედებიანი პროექტის მეორე ნაწილია, რომელიც COVID პანდემიის დროსაა ჩაწერილი. პირველი ნაწილის, Renaissance-ის დებიუტი ბილბორდ 200-ში შედგა. ალბომმა ბიონსეს ისტორიაში ყველაზე მეტი გრემის მფლობელი არტისტის ტიტული მოუტანა.
მიუხედავად იმისა, რომ Cowboy Carter ალბომ Renaissance-ის ერთგვარი გაგრძელებაა, ბიონსემ აღნიშნა, რომ ამ ალბომის შთაგონების წყარო, გარკვეულწილად, რამდენიმე წლის წინ მომხდარ არასასიამოვნო ფაქტს უკავშირდება. სავარაუდოდ კი ეს ფაქტი 2016 წელს, CMA-ის დაჯილდოებაზე, ბიონსეს და Dixie Chicks-ის მიერ შესრულებულ სიმღერა Daddy Lessons-ის უკავშირდება.
მოისმინეთ ბიონსეს ახალი ალბომი Cowboy Carter
