გარდაიცვალა ცნობილი მუსიკოსი – საქსოფონისტი, ვოკოდერისტი, პროდიუსერი და კომპოზიტორი, 2 გრემის მფლობელი კეისი ბენჯამინი. ინფორმაცია დღეს გავრცელდა, თუმცა მის ოჯახის წევრებსა და ახლობლებს გარდაცვალების მიზეზი ჯერ არ დაუსახელებიათ. მუსიკოსი 46 წლის იყო.
სხვადასხვა დროს კეისი ბენჯამინი ისეთ ვარსკვლავებთან მუშაობდა, როგორებიც არიან კენდრიკ ლამარი, ბიონსე, ჯონ ლეჯენდი და სხვები. ის უკრავდა ბექა გოჩიაშვილისა და DJ Logic-ის ერთობლივ პროექტშიც, რომლითაც თბილისს ბოლოს 2023 წლის დეკემბერში, Billboard Georgia Stage-ის ფარგლებში ეწვია.
„ჰოლივუდმა კიდევ ერთი ძვირფასი ქვა დაკარგა,” – ასე ეხმაურებიან კეისი ბენჯამინის გარდაცვალებას მედიაში.
