ბექა გოჩიაშვილისა და DJ Logic-ის კონცერტი „რესპუბლიკაში”

კონცერტი Billboard Georgia Stage-ის ფარგლებში გაიმართა.

16 დეკემბერს Billboard Georgia Stage ბექა გოჩიაშვილისა და DJ Logic-ის კონცერტს დაეთმო. მუსიკოსები მსმენელის წინაშე, ტრადიციულად, „რესპუბლიკის” სცენაზე წარდგნენ ერთობლივი პროექტით Beka & DJ Logic Project. სცენაზე ასევე უკრავდნენ ორი გრემის მფლობელი საქსოფონისტი კეისი ბენჯამინი, ბასისტი ფელიქს პასტორიუსი – ჯაკო პასტორიუსის შვილი – და დრამერი მაიკ მიტჩელი, იგივე Blaque Dynamite, რომელიც თანამშრომლობდა ისეთ არტისტებთან, როგორებიც არიან სტენლი კლარკი, ერიკა ბადუ, უილოუ სმითი და სხვები. 

ბექა გოჩიაშვილი
DJ Logic
კეისი ბენჯამინი
ფელიქს პასტორიუსი
მაიკ მიტჩელი – Blaque Dynamite

მუსიკოსებმა კონცერტზე როგორც საავტორო მუსიკა, ასევე ცნობილი კომპოზიციების ქავერები შეასრულეს. შესრულდა კომპოზიციები ბექა გოჩიაშვილისა და DJ Logic-ის ერთობლივი ალბომიდანაც Chillin’ In Batumi, რომელიც 2013 წელს ნიუ-იორკში ჩაიწერა. მისი პრეზენტაცია კი საქართველოში „სილქნეტის” მხარდაჭერით შედგა. 

კონცერტი მუსიკალური მრავალფეროვნებით გამოირჩეოდა. ჯგუფისთვის დამახასიათებელი იმპროვიზაციით შესრულებულ თითოეულ კომპოზიციას თან ახლდა მსმენელის დიდი ოვაციები.

Საღამოს დასასრულს DJ Logic-მა ქართველ ხალხს ევროკავშირის კანდიდატობის სტატუსის მიღება მიულოცა: „ეს ძალიან მნიშვნელოვანი სადღესასწაულო პერიოდია. მნიშვნელოვანია ჩვენთვისაც აქ ყოფნა და თქვენთვის დაკვრა. და მნიშვნელოვანია კიდევ ერთი რამით: გილოცავ, საქართველო, ევროკავშირის კანდიდატობის სტატუსს!”

Beka & DJ Logic Project მომავალ წელს ახალი ალბომის გამოცემას გეგმავს.

Share
Tweet
Share
Share
Share

წინა სტატია

ოთარ იოსელიანი 89 წლის ასაკში გარდაიცვალა

შემდეგი სტატია

ბილი აილიში Saturday Night Live-ზე 2023 წლის 16 დეკემბერი, ნიუ-იორკი. ფოტო: უილ ჰითი

ნახეთ, ბილი აილიშის ემოციური შესრულება

შეიძლება დაგაინტერესოთ

ქართული მუსიკალური სივრცეები, ფესტივალები და კოლექტივები ერთობლივ განცხადებას ავრცელებენ

„გვჯერა, რომ ნებისმიერ სფეროში დამყარებულ პროფესიულ და მეგობრულ კავშირებს, თავისი წვლილი შეაქვს საქართველოს ისტორიულად მთავარი, და კონსტიტუციურად დაცული მიზნის მიღწევაში,”- ვკითხულობთ განცხადებაში.
მეტი

საქართველოს დამოუკიდებლობის დღესთან დაკავშირებით ნიუ-იორკის ჯაზ-კლუბ Nublu-ში ხონძი და მისი მეგობრები კონცერტს გამართავენ

26 მაისს, საქართველოს დამოუკიდებლობის დღესთან დაკავშირებით, ამერიკის ქალაქ ნიუ-იორკში ქართველი მუსიკოსებისა და მათი მეგობრების კონცერტი გაიმართება. ღონისძიებაზე საქსოფონისტის…
მეტი