დუა ლიპას ახალი ალბომის, Radical Optimism-ის გამოცემამდე თვეზე ნაკლები დარჩა და 11 აპრილს მომღერალმა ახალი სინგლი, Illusion გამოაქვეყნა.
ვიდეო-კლიპი უკრაინელმა რეჟისორმა ტანუ მუინომ გადაიღო. კლიპი ესპანეთში, ბარსელონის ოლიმპიურ აუზზე, Piscina Municipal de Montjuïc-შია გადაღებული, სადაც თავის დროზე კაილი მინოუგის ცნობილი ვიდეო-კლიპის, Slow-ს გადაღებები მიმდინარეობდა.
“Illusion პირველი სიმღერაა, რომელზეც ქეროლაინ აილინი, ტობიას ჯესო, კევინ პარკერი და მე ერთად ვმუშაობდით და მართლაც შეგრძნება მაქვს, რომ ყველა ყინული გალღვა და ამ ჩანაწერმა გზა გაუხნა ახალ ალბომს.” – ამბობს დუა ლიპა.
Illusion სინგლების Houdini-ს და Training Season-ის შემდეგ ახალი სტუდიური ალბომის, Radical Optimism-ის მესამე სინგლია. Houdini-მ Billboard Hot 100-ის მუსიკალურ ჩარტში მე-11 ადგილი დაიკავა, ხოლო Training Season-მა 27-ე.
„[ალბომის გამოცემა] კარგი გრძნობაა, უკეთესი სიტყვებით ვერ აღვწერ ამ გრძნობას”- თქვა დუა ლიპამ ბილბორდთან საუბარში.
მომღერალმა ახალი ალბომის ყდის მთავარ კონცეფციაზეც ისაუბრა, ალბომის ყდაზე ღია ოკეანეში მოცურავე მომღერალია გამოსახული, რომლის წინაც ზვიგენის ფარფლი ჩანს. დუა ლიპას განმარტებით, ამ პროექტზე მუშაობისას ირგვლივ ქაოსი იყო, მომღერალს კი სურდა, ამ ქაოსში გზა გაეკვლია და გულწრფელი და ავთენტური ნამუშევარი მოეტანა მსმენელამდე.
დუა ლიმპამ ალბომის სახელწოდებაზეც ისაუბრა და გაიხსენა ისტორია, რომელიც რამდენიმე ხნის წინ მეგობარმა უამბო: “რამდენიმე წლის წინ მეგობარმა ამიხსნა ტერმნი „რადიკალური ოპტიმიზმი”. სწორედ ეს არის ამ ალბომის მთავარი კონცეფცია, ამ ტერმინთან თანხვედრაში ვარ და ამ ყველაფერმა ძალიან დამაინტერესა”- თქვა დუა ლიპამ მარტში, ალბომის დაანონსების დროს.
ალბომი Radical Optimism თერთმეტ სიმღერას აერთიანებს. ეს დუა ლიპას პირველი ალბომია 2020 წლის Future Nostalgia-ს გამოცემის შემდეგ. Radical Optimism სამ მაისს გამოვა.
ნახეთ დუა ლიპას ახალი ვიდეო-კლიპი Illusion
