12 აპრილს Youtube-სა და სხვა მუსიკალურ პლატფორმებზე ქართველი არტისტის, ნანკა გვარის ახალი სიმღერა გამოქვეყნდა.
Სინგლი სახელწოდებით „202“ არტისტის შემოქმედებაში ერთგვარად ახალი ეტაპის დასაწყისად შეიძლება ჩაითვალოს. ქართული ნარატივით გაჟღენთილი მელოდიური, რიტმული სიმღერა ნანკას აქამდე გამოქვეყნებული სიმღერებისგან ჟანრობრივადაც განსხვავდება.
„ყოველთვის მინდოდა ჩემს სიმღერაში გამომეყენებინა ქართული ინსტრუმენტი ან ქართულ ნარატივზე ყოფილიყო. ჩემი აზრით, ეს გიორგი ასანიშვილთან ერთად მოვახერხე. ტექსტის დაწერაში მელქო დამეხმარა. რაღაც ახალი მიმდინარეობასავით მინდა ვცადო. აქამდე სულ სევდიანი ვიყავი ყველა მუსიკაში, ახლა მინდა „სევდაღიმილა“ ვიყო და ვინმე ერთხელ მაინც ვაცეკვო ჩემს ნამღერზე.“
აღსანიშნავია, რომ ნანკა გვარის მიერ შესრულებულმა ცნობილმა ჰიტმა „ისევ შენ“ Youtube პლატფორმაზე დიდი მოწონება დაიმსახურა, არტისტის მეორე ნამუშევარი კი სიმღერა GANGAN არის, რომელიც 2022 წელს გამოქვეყნდა.
მოისმინეთ ნანკა გვარის სიმღერა „202“
